[سرحان الزهراني]

,

أنا ( مغزول ) من صوف التجارب والألم والخوف
أنا واحد : كثير اليأس والإحباط
قصير الشوف!
لكن في حياتي كنت أنا الأغرب
مرضت بكل ما يُمكن , نسيت انّي أنا ..
والعمر زحمة : ما تحمّلني , ورحت اكتب!

أنا : تغريب للفكر المعاصر , واشتهاء الغيم
أنا : قهوة بلا سكّر
مِثِل حاكم يقرر يهزم العالم ولا فكّر!
أنا : إنسان مو إنسان.. فقير وعاش وسط الظيم
جلس يلعب مع طفل ومزاجه حيل متعكّر

أنا : والسالفة كثرة أنانيّة .. بدون احساس
فقدت الكل في لحظة جفا , وانهزّ فيني ساس
أنا : فيني خلاصة ( ناس ) ماهم ناس!
يبيعون الحطب لِـ الفاس !
ويبكون التصحّر , والخضار : نعاس!

أنا : حبل الغسيل الدافي المُرهَق
تعب ينشر غسيل لناس ما تزهق!
أنا : واحة كبيرة مُعشِبَة بالطين
أنا تدخين!
أنا : ساحة / مجرّد ينتهي حفل الجميع : تلين!

أنا : غصن الحياة المحترق .. في سجن!
كتاباتي وليدة شارع وحارة
مساءاتي رجا يحنو على من حن!
أنا رغم العقل بـ انجن

أنا : تأطير للإبداع , للإمتاع , للإنسان!
أنا : آه الغلابه , والضمير : احيان!
أنا من صابته ( كلمة ) وراح لقريته : بردان!
أنا : سرحان!