قال الدحيمي .. خالط الحلو مرّه
ماكل خيّالٍ .. ايعسف الأصايل
البحر .. موتٍ دون لوله ودرّه
والبرّ .. خبت \ ومهمهان \ وقوايل
(الإسم ) (حرف الجرّ ) ماعاد جرّه
(والوصف) ( موصوفٍ ) بليا دلايل
(والفعل ) صار بدون ( فاعل ) يبرّه
يعني .. (ضميرٍ مستتر) بالفعايل
(والوزن) مايوزن بمثقال ذرّه
(والحجم ) .. قطرة في بحورٍ هوايل
ونجم ٍ غدى في سرمدي المجرّه
زايل .. وضوّه بين الأفلاك .. زايل
والصاحب اللي في قفاي ايتشرّه
لا يلحق الشرهه عيال الحمايل
اللي تساوى فيه خيره وشرّه
عايل ويبقى لعبةٍ بإيد عايل
ومن جاتك بثوب الرجولة تزرّه
قولوا لها ذا العلم وابو المثايل :
ماكل \ مهرة \ تلبس السرج \ حرّه
كم بغلةٍ ... بين الخيوووول الأصايل