[محمد الدحيمي]

إقتباس الرسالة الأصلية كتبت بواسطة دآم عزي الســـلام عليكم ورحمة الله وبركـــآته مـآلكم بـ الطويله : ســلام منّي يـآهوآة الجــزل يـآعشق القصيد سـلام عـدّ أعضآء هذآ المنتدى وإيــآ الحضـور.. أنـآ قصدت المنتدى هذآ ابو عقد ٍ فريــد ويـ الله عسى ماخـآب لي ظنٍ ولآأيـآة شــور. جيتك من رحاب الفضا وانشد عن العدّ العديد ابرتوي من جزل هـ الشعّـآر وأجــآري النسـور. أنثى ولكن بـ الشعر اثبت كما رجل ٍ شديد ذآق المتـآعب فـ الحيـآهـ ولآ بدى منّه فتــوور.. لكنّ عندي ملآحظه مـآ تـنـتـقص ولآتــزيـد وش قوم مـآبه قسم للجدّد يعرّف للحضور !. وختــآمهـآ : صلّو على الهــآدي ابو عقل ٍ رشيد عـــدآد مـآقدّر لنــآ الوآلي من امـوور وامـوور وســـلآمتكم من ارتجـــآلي عن الشكّه ~

يامرحباً ترحيبةٍ توفي قريبٍ من بعيد
يامرحباً ترحيبة الوافي بلا نقص وقصور

في دارنا مانحسب( زبيدة) (وهارون الرشيد)
حنا مع اٌلإبداع .. مانفرق إناثٍ من ذكور

وأبشرك نفرق عيون الباز \ من عين الفريد
وإن جات للهدّه \ انعرف اشقر مغاتير الصقور

مثل البنادق .. بندق ٍ وقت القنص تفتك بصيد
وبندق ٍ تلقينها هطفا .. وبخباها تثور

والاّ بما تخفي الصدور فلا نعيد ولا نزيد
حنّا بشر .. سبحان من يعلم بماتخفي الصدور

من ارتجالي أيضاً
مرحباً
في ملتقى النخبة شعبيات