ارحب يابن حزام
عودة تسعدني كثيراً واشادة باللقاء ترفع معنويتي وتحرضني على الحضور بشكل افضل ما استطعت
السلام عليكم ورحمة الله وبركاته
الغالي محمد لاحظت أن أكثر الأسئله دارت حول الشعر ( ولي رغبة ) في تغيير مسار الأسئله بعد اذنك .
ولي طلب إن الإجابات تكون صريحه وعفويه وبعيده عن الدبلوماسيه 
مادام لك رغبة يابو حزام .. ابشر والله يعين
_
ماهي هواياتك ؟ وهل حصل في يوم أنك جمعت طوابع ؟
واذا انه حصل هل باقي تحتفظ فيها ؟
من يوم عرفت نفسي مالي هواية معينة كانت كرة القدم في فترة من الفترات ويوم توظفت تركتها
طبعاً احب كرة الطائرة بس يعيّون يلعبوني
والطوابع اكرهها من يومي صغير لأن اللي كانوا يجمعونها كلهم دوافير ويشحذونها من الهنود وتخيل يابو حزام الطابع بعد ما يلحسه الهندي :white:
_ محمد أنا أتهمك بالغرور فما ردك ؟ طيب جاك واحد ما تعرفه
وقال لك : ( أنت مغرور ) وشهو ردك حينها ؟ ..
والله اذا انت يابو حزام بحلفك بالله انك صادق وان حلفت عزالله بصدق
واذا واحد ما اعرفه يقول عني مغرور مايهمني لأنه اساساً مايعرفني
بس تبي الصدق
على ايش الغرور ياحسرة !!
محمد بصراحه في مراهقتك هل كنت راعي مضاربات ؟
بالنسبة لي لا اتوقع ، ( هالسؤال خالجني وانا أنظر لصورتك والمح الهدوء المكتسي بالشموخ )
وهو نفس الشعور اللذي ساورني في ثلاث لقاءات معك .
في طفولتي ايه كنت العربجي حق الشلة
بس في المراهقة طاح مستواي كثير وصارت مهمتي تلقيط الشمغ :white:
_ محمد لو لم تكن محمد العمري فماذا تمنيت أن تكون ؟
محمد بن حزام <<<
انطنخ يابو حزام
_ مدري طرى في بالي أعرف وش هي الخلفيه اللي على سطح المكتب في جهازك الكمبيوتر ؟ :white:
جزيرة صغيرة في وسط البحر
_ محمد أيهما تفضل الجلوس في مقهى ( كوفي شوب ) في العليا أم ( شبّة الضو ) في الثمامه ؟
شوف يابو حزام
بصراحة هي حسب اللي معي
يعني اذا الطلعة مع تركي العثمان اكيد كوفي شوب في العليا وحركات
واذا عبدالله مران اكيد شبة ضو في الثمامة وفروتين في عز الحر :white:
_ بصراحه يا محمد ماهي ملامح وجهك ألحين ؟ هل أنت 
أم أم 
أم :white: ؟
بصراحة
_ هل حصل أهديت في يوم ورده ؟ ولو معك ورده الحين لمين تعطيها ؟
طيب خلني أكون أدق في السؤال عندك وردتين الحمراء لمين والبيضاء لمين ؟
ما اعرف والله الحركات ذي يابو حزام
ولو معي الحين وردتين حطيتهم في كوب ماء فوق التلفزيون :white:
_ وش هي القناة التفلزيونية اللي تتابعها ؟ وايش رايك في قناة الجزيرة ؟
وهل تشوف ان الاخبارية السعودية راح تكون منافسه قويه في المستقبل ؟
ولو حصل صارت منافسه هل بيكون بالمستقبل القريب أم البعيد ؟ 
اتابع العربية والجزيرة والحرة اذا لقيت وقت
والجزيرة قناة متفوقة اخبارياً ووثائقياً لكنها غير نزيهة في البرامج الحوارية
والاخبارية السعودية لم تأتي بجديد ولا اعتقد انها ستنافس في الوقت القريب
يوم تفجير الوشم كتبت الصحف السعودية كلها في اليوم الثاني تقول ان الاخبارية وصلت للعالمية لأن القنوات العالمية كلها كانت تنقل منها الخبر ونسوا ان التفجير صار في شارع الوشم .. !!!!
ياعيني اجل لو ان الجزيرة هي اللي ناقلة الصورة قبلها . . !!
فتحت التلفزيون وانت تقلّب فيه لقيت ( مسلسل غرندايزر أو عدنان ولينا ) ...
وشو أول شي يطري في بالك وقتها ؟ لا تقول هايدي 
لو القا قرندايزر يمكن ما اناظر كثير الا ان كان اللقطة على دانبي المهستر :white:
اضحك عليه وهو يصيد الفيقا فيقا
اما لو على عدنان ولينا اتنهد بشوووووووووويش ويمكن اصيح <<< بروحي يالحنيّن
لولا الهوى يخلق على روس الارماح
.................. ما ساعدك عدنان ياجد لينا
ابو حزام
ليه تقليب المواجع
_ طيب أمانه وش مرتسم على وجهك من علامات الحين ؟ :white:
صدقني ما فيه ايقونة تعبر صح
بس تقدر تقول مستانس
_ هل حصل ونمت في الحوش ؟ وماهو رأيك في نومة السطح ؟ :white:
اصلا ماعمري سكنت في بيت فيه حوش
الا في الديرة بس هناك الشيبان احس انهم يواصلون ياخي ما يمديه يذن الصبح الا وهم جايين يتقهووون
اما نومة السطح فياساتر يابو حزام
زمااااااان <<< شايب من جد
عام 1400هـ آخر عهدي بها
كنا في بيت طين في غبيراء ... يالبى ياغبيراء
اذا جا الليل نرش على جدران السطح بالماء ونرقد
وربي ولا اطلق مكيف الحين
في عز الصيف
وخبرك زمان الصيف صيف مهو مثل صيف وراعين هاليومين :white::white:
>>>>>> يابو الشباب ترى الصيف من عند ربي
<<< سوري بس هيضني ابو حزام :white:
حاط راسك على المخده وبكره الصباح عندك مراجعه في الأحوال المدنية
لإضافة ( الشبل خالد ) وشو الإحساس اللي يساورك وقتها خصوصاً إن المراجعات الحكوميه
والعهده على الراوي تعتبر ( كرحلة نقاهه من مشاق الحياة ) ...
هذا عندكم في الشرقية المراجعات رحلة نقاهة
في الرياض رحلة استشفاء والدكتور سعودي له شهرين ما استلم راتبه .. !
بس تدري وشهو الشعور اللي يساورني
افكر اني آخذ لموزين وارتااااح
عرّف ما يلي :
الصداقه
علاقة
الصديق
عليق :white:
شعبيات
منتدى غيررررر
الحاره
خنشليلة :white:
أيام الدراسة
طفش
أبها
أبهى
الدمام
يالبى
رسيل
اخت خالد
خالد
اخو رسيل
الإنترنت
مخاسير :white:
النظاره
على انفي رغم انفي !
السيجاره
يابسه
كرة القدم
الهواية المفضلة للقصار
فرشة الأسنان
ياقدمهاااا
الصباح
صحت من نومها والصبح توّه فتح عيونه .. حزينه جعله بروحي ياذاك الخاطر المكسور
نوم القايله
يستاهل الفركة من العمل
البساطه
على قولة صباح :
البساطة البساطة
ياعيني عل البساطة
نتغدى جبن وزيتون ونتعشا بطاطه !!
ويقولن ليه اللبنانيين رشيقين !!
من البساطة يابو حزام
جاوبني بصراحه يا محمد ...
أسئلتي ترفع الضغط وفارغه ولا لا ؟ :white: ما جا في بالك وش يبي ذا ؟ :white:
لا والله الا استانست من جد
الله يوسع صدرك بالعافية يابو حزام
لو خيّرتك إني أسئلك مره ثانيه بنفس هالطريقه أو إني ما عاد أسئلك وش تختار ؟
بصراحة اختارها كلها
<<< فيه عرق مصارررريه :white:
الغالي جداً محمد العمري ..
بالتأكيد لي عوده بعد إجاباتك ....
لك كل الحب
اخوك
محمد بن حزام
يالبى قلبك يابو حزام
فديتك جيت والا ماجيت
الف تحية لك وللساحل الشرقي