كل شي ولـه بدايـه وابتـدت بـك دنيتـي
........يا حياتي بك شربت الحـب ياطعـم الغـرام
يا غناتي كيف اببعد عنـك وانتي جَنـتـي
........ياقمر ظــلماي نورك كـف جنحـان الظـلام
ارتشفتـك بالهجيـر الـي يحـرق وجنتـي
.... وسلسبيلك قبل ما اروى,به حيا ميت العظام
ياسحابة حب غيثـك بـه سقيتـي مهجتـي
......وسيّل بصدري مشاعر صعب يوصفها الكلام
بك اشوف الكون من ممساي لوّل صحوتـي
......وان سهيتك بك خذاني قلب عايشـك بهيـام
في حضورك تضحك الدنيا وترسم ضحكتي
......وكل خطوه وان مشيتي تنبـت زهور الخـزام
وان تبَسّـمتـي نسيـم ومنـه تبـرا عـلـتـي
....نسمتك بلسم حياتي ولمستـك تشفـي السقـام
ان سئلت الشمس قالت عنك هذي صورتـي
..... والقمر يشكي حضورك كن يغشـاه العتـام
الجمال اشكال وانتي زين يوسـف هقوتـي
......والكريم اعطاك حسن الخلق وعذوبة كـلام
اسئل العالي عظيم الشـان يحمـي عشقتـي
........زينت الــدنيا عليها من رضـا ربـي سـلام ..!
تركـي الرشيـــد //
صـح لسانك مليوووووون
بدايــة قويـــة جداً .. الله مير يستر من الجــاي
تحياتــي //
الريـــــــــم