ماني على الخايب كثير المشاريه
........ولا على الطيب تراي اتشره
الطيب اللي بالوفاء مشفي فيه
........يثيرني لاشفت علمه يغره
وانا الطريق الشين مانيب ادانيه
...........ماحب درب الشين والي يمره
احب راع الطيب وامشي مماشيه
...... ولا اقبل من الذل مثقال ذره
احب اعز نفسي وماني مخلــيه
.... طبيعتي والحر يرفع مقره
حلفت ماتبع كل مقفي ولا ارجيه
.....طرد ورى المقفين عيب وحرّه
واللي يصافيني تراني بصافيه
.... ومني بيلقى كل علم يسره