[وحش]

عـلــى الله يامـشـاويـر الـضـيـاع وعــثــرة الاقــــدام
يعـيـن الله عـلـى عــوج الـــدروب وبـاقــي ايـامــي!!

عـلـى الله كــل مـاشـان الـزمــان !!وخـانــت الايـــام
عـلـى الله كــل مـااشـوف الـطـريـق يـظـيـق قـدامــي

عـلـى الله كــل مـاصـدري يظـيـق وخـاطــري يـنـظـام
علـى الله.. كـل ليـلـه حزنـهـا يـعـزف عـلـى انغـامـي

مـقــدر يـاشـقـا عـمــري اسـيــر بـرحـلــة الاعــــدام
واضــم بـداخـلـي نـــار الـخـفـوق وجـمـرهـا حـامــي

حزيـن.. ولامعـي غيـر الجـرووح.. ولوعـة الاعـوام
عـلـى وجـهـي تقاسـيـم الضـيـاع ..ونكـبـة اعـوامـي

حياتـي كلهـا رحـلـة غـمـوض .. ونقـطـة استفـهـام؟
طـلاســم خـطـهـا كـــف الـزمــان.. لـعـثـرة اقـدامــي

بقـالـي مـــن مـسـافـات السـنـيـن المقـفـيـات حـطــام
بـقـايـا امـنـيـات.. وحسـرتـيـن "بـسـلـة حـطـامــي "

بقـايـا طـفـل رافـقـه الشـقـا مــن يــوم عـمـره عـــام
تـحـدتـه الـلـيـالـي والــظــروف وعــــاش مـنـظـامـي

غريـر ٍ لاكسـا الكـون الظـلام.. اطفـا السـراج ونــام
وصحى يحلم متى اكبر.. كبر ابوي.. وباقي اعمامـي

عنيـد.. ليـا زعــل شــق الكـتـاب.. وكـسـر المـرسـام
وجلس يصرخ عبث .. وين الكتاب؟وويـن مرسامـي

شجـاع ٍ ..!! مارضـى يصبـح ذليـل ولارضــى ينـظـام
رغم "كبر الظروف" وصغر سنه "موقفـه سامـي"

قدر يرسم بصفحة دفتره (قلب ) و (وطن) و (اعلام)
وكتـب فـوق العلـم [عـاش الوطـن فـي ظـل حكامـي

حـفـظ مــن ربــك؟ الله لاســواه!! وديـنـك؟ الاســـلام
ونـبـيـك؟ هـــو رســـول الله مـحـمـد خـيــر الانـامــي

يــمــر الـعــمــر وتــمـــر الـسـنـيــن بـرحــلــه الآلآم
وجروحـي تشـرب اوجـاع الـعـذاب وخافـقـي ظـامـي

كبـرت .. وكبـر همـي .. والجـروح وكبـرت الاحــلام
وطموحـي هـو طموحـي يازمـن واوهامـي اوهـامـي

نسـف كـف القـدر رجـم الطمـوح وبعـثـر الاوهــاااام
وتـلاشـت مابـقـى غـيـر القصـيـد .. وجــرة اقـلامــي



/
/



عادل الذيابي