لحظتي :
لحظة اعتراف
اعترف ان هناك فرق كبير بين الحزن والهم
الهم شعور مقرف \ والحزن شعور نبيل
وين انت يالحزن ؟!! يا اجمل غناويـه!
أذّاني الهم بغــيابك وشقّى بي
من بين غيـّابي ابطت بك حراويه
فاقدك .. ياأعزّ غــايب بين غيـابي
وين انت ؟!! ياصاحبٍ ماولفني زيّه
ياقو قلبك! .. تخلي الهم يسلى بي؟!!
ودّه اشقق ثيــابي غصب بإيديه
والله لأمــــوت .. ويدي ماشقّت ثيابي
ودنيا الهبا .. ســـوّّد الله وجهها فيّه
أبرد صــودايفها .. ياما احرق اعصابي
يرضيك بالله؟!! تبـــيّت بي على نيّه
قبل اتعشى لياليــــــها . . تغــدا بي؟!!
هيّا تصدّق !! كذا . . وبدون ماريه
اســتنزفت كلّ جرح ٍ . . قد تخبّا بي
يرضيك يالحـزن!! . . ياتالي عزاويه
تضحك على شيب راسي .. بين شيّابي؟
يرضيك يالحـزن؟!! تجهر بي عــلانيه؟
حتى تهـاون بحـالي اقرب اصحابي؟؟
كلن تتقى طعووووون عــداه غدريه
وأنا الووووحيد اللي طعووووني \ من احبابي