|
صرخة الماضي
بسم الله الرحمن الرحيم
بغيت انسى ردى حظي , وعجزت انسا جفا ليام
وعجزت ااعانق القمرا , ولو بحلام مرسومة
تصاريف القدر تجرح , وتجبرني على لوهام
قهر وعناد والذكرى , جفا وحقوق مهضومة
عذابي يلخفوق اللي , قضا ليله سهر مانام
يحاول يرسم الفرحة , ولو بفكار مسمومة
تلوى بي صدود الوقت , وحبري ماكفا لقلام
ونفسي اللي طواها الهم, تجي وتروح مهزومة
شواطي الساحل الشرقي , تحرى شوفتي بهيام
انا اللي كم على الشاطي , جلست ااشاكي اغيومه
يعاتبني هوى الموجة , وطير النورس اللي حام
يقول الهم يالشاكي , اظنك تجهل اعلومه
غريبة مايعرف اني , حياتي كلها بوهام
واعيش العمر وايامي , اسير الوقت وهمومه
أراقبها سما الماضي , واعد انجومها بيام
وافكرها على عدي , مرور ايام معلومة
أثاري عمرها ستة , مع ستة مشت قدام
الذ افراحها دمعة , وصرخة ضيم مكتومة
غريبة ليييييه يادنيا , لذيذ ايامها مادام
وغريب ان الوفا يجزى , ابنقطة عار موصومة
تمنيت الزمن يقبل , يرجع مامضى من عام
يرد ايام عشناها , ولو بفراح موهومة
ليالي كانت البسمة , حشا ماتنحجب بلثام
تبادلنا الغلا فيها, وطواري الهم معدومة
عطيتك بالغلا قدرن , تعلا واعتلا لعلام
وتحملت القهر منك , وشلت الجرح وثلومه
وبعد كل الغلا تطعن , خفوقي يالغضي بسهام
وترميني على مرسى , خيالن مخفي وسومه
الى اللي يفهم المعنى , اذا انشق السطر بقلام
ربيع العمر يالغالي , قضى والنفس مضيومه
ترى عزمك على الفرقا , على قلبي حكم بعدام
حسافة قلب يغليكم , تجي وتبدد احلومه
رح انساني ولا تنسى , ترى عمر الزمن مادام
يجي لك يوم تفرح به , ويومن تكره اقدومه
توارت قصتي واانا , عجزت انسا جفا ليام
وعجزت ااعانق القمرا ولو بحلام مرسومة
************************ وسلامتكم *********************
|