/
قال المثل إنّ الوجع بالضرس
قلت الوجع بالحال وبجيله
قال الزمن غيّر معان ٍ خرس
قلت الزمن ماله بنا حيله
شفت الابو ضايع يبي له كورس
بالتربيه ، لاهي وْ رجاجيله
والام بين السوق ولا العرس
ولاّ ترتّب في معاميله
البنت صارت لاحكوا بالعرس
تضحك وترفع بالرضا شيله
واطفالنا ماحسّبوا للدرس
واهمومهم مشوار هالليله
والعلم ضايع ماحواه الطرس
والجهل غنتنا مواويله
والغرب تنخاهم عيون الفرس
وحنا نغني وللهوا ميله
وضرس العدا من حولنا له ضرس
والود ودّه لو نعدّي له
يارب قوّم طايحات الغرس
والشر يالله يالولي تزيله
/