[مصعب]

يرضي غرورك منظرالدمع رقراق..؟؟
كانه رضا تطفى بقلبي حروقك


وقصايدٍ عَدّت مراضاة الأذواق
فيما عدا نظمٍ.ن محايد لذوقك


مسامعك شالت من انفاسها خواق
واليا تلمستي النحر صار طوقك


نزعٍ.ن تجلّى من متاريس الأعماق
ولو هي تدلّى بالتجافي عذوقك


يرسم صداها بالافق سبعة انماق
من شافتك ياشمس حزّة شروقك


وترجع وهي بعقود الأسقام تنساق
وماتنجلب لو تهت في غير سوقك


أدس فيها نَمّ بيّاح الأشواق
اللي يحس السمّ باصباط شوقك


عصرك يقول آخر محطاتي افراق
وصبري يقول أرخ الرسن وش يعوقك


يامزنتي فرقى المحبين تنطاق
لا خايلوا لو من بعيدٍ.ن بروقك


ياالجملة..اللي لخبطت..كل الأوراق
ما ابيك انا لو نقطة الجيم فوقك


أرضت غرورك وحشةٍ وسط الأعماق
يااللي المبرّة فيك تدحض عقوقك