السلام عليكم ورحمة الله وبركاته
طابت أوقاتك والدنا .. وطبنا بك هنا
كم نحن ممتنين لمنحنا هذا الوقت وتشريف
سموك لنا ومعنا .. رعاك الله كم أنت نبيل
وكريم ..
سيدي : أنت فوق كل الإطر اء والمديح والثناء
فوق كل التعاريف والمسميات وعبارات التمجيد
منذ زمن ليس بقصير وأنت الأجوبه لملايين الأسئله
وأنت من تبحث عنه الشهره والإنتشار ومن يزيد
توهج الضؤ ويزهو بك الشعر ..
والدي : هذا الوطن العظيم أجمل من كتب له وفيه هو
بدر بن عبدالمحسن
ولعلني أحد من حاول ترجمة مشاعره لوطنه شعراً بماأنني أحد
أبناءه الهائمين في عشقه .. لاأعلم ماأستطيع أهديك مع الحب
والتقدير .. وكيف لي أن أقدم الشعر في حضور الشعر !!
ولكن سيدي عشمي في سموك بقبول هديتي المتواضعه في متصفحك
وحضورك هو مادفعني .. فكم سأفخر ويشرفني أن البدر قرأ حرفاً لي
رسـاله بإتجاه الوطن
وطن : ياقف على سورك مليك وشعب ضد عداك =حدودك في شرايين الرجال اللي تعزوابك
وطن : مايلحقـونـك ربـك الـلي بـالـشـرف عٌـلاك=وحـطــك قـبـلـة إسـلام الـبـشـر والــنور بـكـتـابـك !
وطن: طيب الملك قادك وعلٌـى منزلك وارضاك =وصافحت الغمام/بهيبتك/واسمـك/وباحبابك
وطن مايرخصك بقلوبنا مجـرم ولانمٌـاك =يهيجنك الكبار وطفلنا في المهــد غنابك
وطن وشلون ترخص بالنفوس و جعلها تفـداك=وفيك اجدادنا اللي وحدوك وشــدوا اطنابك
وطن من عاش بارضك مايخون ومن ربى بحماك=ولايطري علينـا مـن ربـى بــ/حمـاك : يسخـى بـك !!
وطن : حـنٌأ نوايانـا شـريـفـه كنها : مبدااك=عشٌـان قلوبـنـا مفـطـورة(ن) مــن : مـااك وتـرابـك !
وطن : مـاهـوب مـنٌـأ مــن تطاول هيبـتـك وأبـكـاك=هـبٌـى لـوهـو تسـمـى وألتحـف بإسـمـك وجلبااابـك !
وطن : لاعـاشـوا الـلي باغـتوك بغدرهـم وأدمـاك=وطـن : لاعـاش مـن دنٌـس ثـراك .. وطهـر محـرابـك
وطن : لايزعجك لودمنا مثل المطـريغشاك=ترى حنا نموت من أجـل نشتالك ونرقابك
عليك الله وامانه والردي من ياوطن خلاك=سكنت ارواح شعب يحتميك وخاب طلابك
وهنا بعض من حزني على فقيد الأمه خادم الحرمين الشريفين الملك فهد رحمه الله
الفهـد وفراغ الغياب
انا وشلون ابحصي معجزاتـك يالفهد باابيـات=يتم الشعـر .. مجـدك ياسليـل المجـد ماتمـه
يعيش اموات وابطالٍ تمـوت وذكرهـا مامـات=يخلدها الزمـان بسيـرةٍ تخضـع لهـا القمـه
مثل سيرة زعيم ملوك واسياد العـرب لاجـات=جهـات الكـون الاربـع كلبوهـا تلتفـت يمـه
فهد: زبن الجلاوي والدخيـل وجابـر العثـرات=لياتـاه الدليـل وضاعـت الحيـلات واليـمـه
فهد:فرز الوغى صعب المراس مرّوض الصعبات=حكيم الراي مقـدام العـرب وان حلـت مطمـه
بنى مجـد البـلاد وقادهـا بالعـزم والهمـات=على نهـج الشريعـه تفتخربـه عالـي الهمـه
عسى عذب السحاب بقدرة الله غافـر الـزلات=تهشم غيث رحمه فـوق قبـرٍ بالثـرى ضمـه
هنا طاحت دموع وبالعواصم طاحـت الرايـات=هنا ناحت جموع وكل قلـبِ فـاض بـه همـه
بكت شبه الجزيره واحتضنها الحزن والعبـرات=الاماكبـر فـراغ موادعـه فـي ذمتـي ذمـه
ضحى الاثنين غيّب رمز الامـه هـادم اللـذات=وغابت شمس نبراس المعالي عن جبيـن اُُمـه
نعم أنا شاعر تتقزم شاعريته أمام هذه القامه الشعريه الشاهقه فلتعذر الحروف سيدي
لك مني جزيل الشكر والإمتنان حفظك الله ورعاك أبا خالد