[همس الليل]

هلا و رحب والله فيكم اخواني الأعزاء..
سعيد جداً بانضمامي بينكم في (منتديات شعبيات)
اللي كلها حلا في حلا .. إداريين ومشرفين وأعضاء..
وإليكم اولى مشاركاتي اتمنى أن تعجبكم..

ياللي بغيت الورد.. من دون جرحك
.....الشوك ما يجرحـك لو تحذر اللمـس
لا تطــري التّوديع من قبل شرحــك
.....ما قلت لي وش حامس الجوف بك حمس
علّمتــني طيــش المشاعـر ومزحـك
.....وانا بحياتي ما أخون الهوى بهمس
أخــاف من بعدك و من.. كبت صدحك
.....تطمس هوى الملتاع من خافقه طمـس
شف كم مضى من عمرنــا بعد صبحـك
.....ما عشــت مرّه نظرةٍ.. تشعل الخمس
صــارت معاناتي مـع الليل نزحـك
.....وشلون اباهنى والهوى منغمس غمـس
ما هــو قليلٍ يا منى الروح ملحك
.....بس الكثير انك تجازي الهوى بعمس
بالله مــا تنوي المتاهــات فضحـك
.....لا صــرت مثلي ساهــرٍ تذكر الأمـس
ضيّعتـني ما بين طبـك.. و جرحــك
.....طبــعٍ يسهّرني.. ولا غابت الشــمس

وسلامتكم..

(همس الليل)