السلام عليكم ورحمة الله وبركاته
مجرد حروف طائشه على شواطئ الكلمات لم تجد لها ميناء سوى منتداكم الراقي
أتمنى أن تقبلوها فهي من القلب .. للقلب .
للإستماع ( صوتيه )
http://up.ftahilah.com/up//download....d9eaae73b2.mp3
بإصرارنا نبني دول ..
نهدم دول
ونشّيد آمال وطموح
بأفعالنا ورجالنا
نبني ثقافات وصروح
بس حاولو .. تكفون لا تتكاسلو
نزرع أمل
نحصد أمل
يدي بيدك يابطل
واترك سوالف هالبشر ..
هذاك همه يحطمك
والثاني عايش في هزل
ياليت نسمو بالفكر
ونمشي على درب الذكر
ركز معي ياصاحبي
لا يدخل الجنه من كان
( في قلبه ذره من كبر )
فلان همه هالبنات
وفلان دايم في سبات
وفلان بدروب الشتات
ضايع ورى درب الغزل
يالله معي ياصاحبي
نزرع أمل
نحصد أمل
يدي بيدك يابطل
ادري الوظايف مشكله
صارت قضيه معضله
ديواننا ..
ناسي هموم أخواننا
ياعمي والله مهزله
شبابنا .. أحبابنا
ملّو كذب .. كتّابنا
تصريح من مسؤول عالي
إلى جميع العاطلين ..
أبشروا بكره تزين ..
وإصبروا هذه الشهور ..
وافق معالي الوزير
تعينكم على مسمى
( عاطل على بند الأجور )
.
.
يابلادنا .. يا أغلى بلد
والله نحبك .. يابلد
بس البلا يابلادنا
بناتنا وأولادنا
متخرجين .. وعاطلين
والحال مو عاجب أحد
يابلادنا حنا فداك
عصاك اللي ما تعصاك
جرب ونادي .. يابلد
ياولد
ياولد
وتشوف أفعال الرجال
بس أنت آمرنا ونجيك
آمر وتبشر بالسعد
يدي بيدك ياوطن
نقضي على كل الفتن
واللي مشى درب الردى
بنكفنه بأرخص كفن
والواسطه .. وأصحابها
يالعن ابو من جابها
هي السبب باللي حصل
واللي بقوله فالأخير
لولا الأمل .. مات الفقير
حاولو ثم حاولو
تكفون بس إتفائلوا
يا احبابنا .. يالله معي
نزرع أمل ..
نحصد أمل
يدي بيدك يابطل
وإعذرونا عالقصور
وإتقبلوا باقة زهور
لقلوبكم
( سندباد الشوق )