[سرحان الزهراني]

،

في الحقيقة.. ما كتبت إلا عيونك
كل شي يحكي: عيونك.
من قوانين السفر، قبل السفر
للموسيقى.. للقمر..
كل شي يحلى لعيونك، إلا شارع، مرّني مثل الغريب.
والتهمني سالفة، ما عمر احد مرة حكاها..
كل من يحكي.. نساها!
وانتي.. لو مرة حكيتي عن كلامي لك.. لنفسك.
أنا متأكد.. بصونك.
أنا ما خفت المسافات اللي ترحل بي بعيد
لا، ولا خفت أفقدك، بين المطارات الحزينة..
ولا أتردد.. وحيد!
أنا خفت انك تكوني مثل غيمة، شفتها صدفة بعيونك.. واختفت!
كل شي ممكن معك..
الوقت، والتاريخ، والشارع، وصوتك، وامتعاضك من طريق يطول، والخوف فعيونك.
كل شي ممكن معك..
لكن أحبك.. وسط زحمة هالكلام الخادر، المُشبَع: أحبك!
شفتي مرة.. والكلام يطول، قلت اني احبك!
كذا فجأة ما انتبهت!
قصة حلوة، شفتها مرة وأنا آخر حزين.
نفسي مرة تحزنين..
تلبسين الليل، أو حتى عيونك!
الأساور كانت أحلامي معك، والعطر صوتي.
تشربين القهوة سادة.. زي أيامي بدونك.
نفسي مرة.. تذكرين اني كتبتك في رسايل خفت أنساها فعيونك..
نفسي مرة..
لكن انتي مستحيل تكوني مرة: مرتين!