[صالح العبدالكريم]

كرمالك كنت ابخبي !؟ .......... ما ابي تزعل علي ! وين اريّح بالي وين وانت لك مليون عين وما تشوف .!! إن قلبي لو سلى عنّك : لقاك ..! وإن عمري لو تبي منّه : فداك وش وراك ؟ لاقي ٍ واحد يحبّك لو تغيب شوي عنّه فزّت ضلوعه و جاك ..!! انت نفسك لو تبي ترجع لنفسك راح تلقاني .. مكاني واللي يعشق حتى لو قالو : يعاني يكفي انّه ما تعب من أي شي والهوى لو تختلي فيه الأماني انجبو إحساس حي ..!؟ ظنّك انسى لو نفظني البرد قولك : قبل لا تغفى .. تدف أو ابنسى حيّك المليان ورد وكل مكانٍ حظـّنا منه .. الصدف وضحكت جنون السوالف ورفعت حجاج الزعل كم حلفت .. وإنت حالف من على الثاني سأل ..! والسفر : وحكاية الشوق بيدينا والبحر : والطاوله اللي تحترينا والشوارع : كيف اذا مرّيت هادي ودّك امرّه عَجل ..!! يا قريب وانا احسّك تاخذ النبض وتروح وإن تمغـّط صبحنا ترجع تجيبه ..! يا بعيد وليلنا اللي كل مواعيده وضوح صار يصافحني ونظراته غريبه وانا اعرفه زين لامنّه تضايق يبقى ساكت / ما يتكلم لو سمع نبض يتألم يمكن عشانه ما تعوّدني لحالي لنّه يفرح لا جمع غالي بغالي كيف وهو شايفني وحمولي كثيره والوله لاعب بحالي ..!؟ من يقول ان الرحيل اجساد بس لو فتح صدري لقى كلّه جروح ولا قدر يحصي عدد من غلاة اللي فقد ورب موسى ما احسّه بس روح لولا خوف الله قلت بـ ايش احس ..!!