....................................
.................................................. ...............
.................................
كم وحدة ٍ طقـّو دفوفه
........ تمشي على الحسره خطاها
يحزنك وهي تضرب كفوفه
......... بـ الأرض : تبكي من بكاها
وكم وحدة ٍ زان نفنوفه
......... راحــت لمـن كان يبغاها
لو كانت ابعد من الكوفه
.......... بتجيه .. كان الله احياها
وكم وحدة ٍ تمطع حلوفه
.......... تلعن من الكذب مجناها
لو تندعس حيل مكشوفه
......... برّق : ترى زان مرماها
وكم وحدة ٍ بان معروفه
......... يغسل من الغيم ماطاها
صارت مع الوقت منسوفه
....... سيف الغبن قطّع أحشاها
هذي الحياه وذي ظروفه
........ من عاش به يعرف أقصاها
إن جات يامسرع نكوفه
........ وإن راحت نقول وش جاها
وش عاد لو قيل مخلوفه
......... او كيف ما كان عشناها
واللي كـتم سرّه بجوفه
......... ما يكتم العين .. عن ماها
واللي الحزن اوجع كتوفه
......... غيره ترى ناس : اعماها
والشايف اللي فقد شوفه
........ لا هزّه الشـّوق .. وأطراها
حسبه من اللايم وصوفه
........ حسبه من همومه أقصاها
!!!
ص . ع