[صالح العبدالكريم]

لو ما عظيم الحب .. ما فار دمّي ....... ولو ما دليل الشوق .. ما جيتك اشكيك لو منتي همّي .. منهو بالله همّي ......... وانا ضلوعي .. لا تمْـايلت .. تطريك يا سدرة الشوق .. وتلاوين فمّي ........ يا شمعة ٍ يبطي البخت .. ما يطفـّيك مرّات احسّك .. من براءتك .. امّي ........ واقول من كثر الغلا .. شلون اوفـّيك الفرق : انّه.. من اوّل العمر.. يمّي ....... وانتي .. بآخر عمري ..اصبحت اناديك هذي يديني .. بذمـّتك .. دوك شمّي ........ لا غبتي عنـّي .. اشمّها ريحة ايديك اخاف بكرى..ان جيت باكل واسمّي ........ ياكل معاي العشق .. واخطي واسمّيك وإن جاتك اشواقي تبعثرك.. لمـّي ........ لا تقولي انجنّ الولد .. صالح اشفيك !!