الـــتـــابـــــوت
الليل والذكرى وحسره وضيقه=وضيعَة أمل والشوق والآه والفوت
مواجع (ن) صارت بعمري حـقيقـه =وأنـوح ما ناحــت حمايـم بـتـاروت
لوعات أعايشها وروحي غريقه =في روح من حـبّـه موثـق ومـثـبـوت
اللي ملكني بالصفات الرقـيـقه =واسمه مع حــبـر الشرايين مـنحـوت
لولاه ما كانت جروحي عميقه=وسنين أعاني لوعته صمت وسكوت
سطرت له من صفو عشقي وثيقه =رغم إنّه أودعني على شرفة الموت !!
أبيه يعرف وش عذاب الدقيقه =وإنّه بسحره فـاق عن سحـر هاروت
لعلّها تصحا مشاعر عـتـيـقه =ويروف باحساسٍ قضى العـمر مكبوت
ما أبيه يعمل شي ما لا يطيقه =أبــي أشوفه قبل مــا أرحـل بـتـابـــوت
ياشين عاشق مايحس بعشيقه =وياشين حظك في الهوى ياصدى الصوت