[الوسيم]

عبد الله التميمي يا حبي لك ...... فكره هايله وانا ابي اجيب العيد في الشباب على التوالي
اولهم ضاري بالعطا تلقاه قاعد يصلح له في جهاز كميوتر وعنده طبعا الشاهي و له يومين يحاول يركب مسمار الصندوق وما قدر ...... برد الشاهي وفات الغدا وما رقد وهو مصمم يركب هالمسمار لو تطيح المسامير الباقيه ما همته بس المسمار هذا يركب اثر المشكله فالوردههههههه ............. اما اخونا بالله ابونوت يدربي راسه شوي قاعد عند ضاري وكنه يبي ينفعه ويتحمس معه كود يركب المسمار الاقشر ....... والى خذ شوي راح لغرفة النوم وخذ غطه خمس دقايق وقام وجاك يتهبد كب البياله اللي عند ضاري وجالهم صعيعه .... والخلاصه انه تلقاه في كل مكان والبركه الله اعلم
طميران ممدد رجليه في السيب اللي يودي للمجلس وكابن طاقيته على عيونه ويا ويلك ياللي تمر وتلمسه
خذ من اللعان والهواش ... اما خربوش جالس على الوجار وشاب الضو وحاشرن خلق الله بالدخنه وكل شوي وطايرن جمره على الفرشه ...... عبيص يا كافي بس مسنتر اربع وعشرين ساعه مع ابو نوت بزعمه يتعلم منه البرمجه والى زاده الا دجّه ....... فيصل بن خالد انواع الصياح والزعاق هاتو الغداء عجلو .... والى حطو العشاء قبل يبدا الاكل قال ابدو بتصليح العشاء ونبيه كذا وكذا ......
سلملم ........ كنك عند حلاّق كل شويء غنيه شكل وسماعت كبار وممدها بالبيت الشعبي ...... وكل شوي قاب هوشه مع طميران يقول انك اللي اخذن الكاسيت حق الاغنيه الاخيره
طبعا انا الوسيم ما فيه مثلي احد مؤدب واي شيء اشيله ارجعه لمكانه ..... وما اتلقف على حاجات الناس ،،،،، وخدوووووم اساعد الاخرين ......... خالد التميمي يتحيلس ويتميلس ويحاول يصير وسيم مثلي بس مهيب على كيفه يبي لها مواصفات ما تتوفر عنده ........... ابو علياء بسم الله ما شاء الله عيني عليه بارده .. تقول يعرف لكل شيء كل شيء بدون استثناء بس المشكله ما يتقن من هالاشياء ولا شيء يعني بالعفرته ويجي منه .......... بس مشكلته حاطينه مع فيص بن خالد في غرفه وحده وهو ما يداني الشخير وفيضل خطير في شغلة الشخير ..... والى جا الصبح قعد يتشكّا منه والا بالغرفه يخاف ويسكت .......... نجي للربيع الربيع ملقوفف الله يهديه ما يخلي شيء في مكانه ....... هذي حاجه يشيلها عن الطريق والى نشدوه عنه قال ما شفته ... بس تبون الصراحه الرجال مرستك ومهندم ومملوح بعد ....... خالد الشايع الوليد ممتحنينه الشباب ...... هذا جب ببسي وهاذا جب فول وتميس وهذا جب دخّان يبي يضيعون الولد ويتعلم التتن من سبتهم ..... والى ما صار عنده ماموريه هذاهو يدور على السيكل هذي غضارةن ياطاها ومره وطا رجل طميران وقام ولفعه لولا ان الشباب اشوى تدخلو وفكوه ........... تراني احاول اختصر:'( ناصر الفراعنه ......... الله هالاادمي احبه من جد ...... قاعد عند المسوّى وهات يا قصيد .... قصيده 80 بيت قصيره طبعا :white: وقصيده 200 بيت يا سلام يا سلام وخربوش الى جا بيتن زين ضرب بالمشهاب طرف الوجار وطرشع الجمر ...... ثيابه وثياب ناصر رايحتن كنها منخل ....... نواف الشمري ...... الرجال بهالفروه جالس بالمشراق ودلته معه وهات يا سواليف صدق كذب الله اعلم .... ثوبي ما ياخذ الا انا :? لكن الرجال متعاون بس الى راح يجيب غرض اخوكم شمالي يعني احسب حساب خمس ساعات للبقاله اللى جنب البيت :":
نجي للبنات طبعا ما عندنا واجد ........ الجازي ونوره هذولي اللي اذكر
الجازي ظفره ودايم بالمطبخ بس سلطات وحلا ووجبات خفيفه لك عليها :ha:
نوره ما شاء الله عيني عليها بارده ما تروح للمطبخ الا عشر دقايق بس وش اقول طبخات من جميع الانواع ........ بس عصبيات شوي كل اشوي وابوهن ابونوت متمشكلن مع فيصل بن خالد يبي يطقهن هالمجرم ليش على شان الشطه ما جت على السفره والا السلطه ما عليها ليمون :fire:
هذا مختصر للوضع ما حبيت اطول عليكم والا اللي عندي كثير
مع السلامه
اخوكم اللي يحبكم الوسيم والزعل مرفوع