السلام عليكم ورحمة الله وبركاته
هذي قصيدتين للشاعر المرحوم/ حمد بن هادي المسردي القحطاني
اتمنى ان تعجبكم .. واسف اذا سبق وان نشرت في المنتدى..
يالج قلبي لج سربٍ من الميراج=لأصدر لأوامر قايده واعلن الغاره
مع الفجر الاول عاد ضوح السفر ما انباج= تحرك وتعداده ثلاثين طياره
ياوالله اللي غلق الصبر مايحتاج =ولو كان عيني بأول الوقت صباره
هواجيس قلبي بالدقيقه تجيه افواج=وعيني شقاويه والافكار محتاره
تخالف همومي مثل ماتختلف لامواج= على شاطيٍ مابين فرضه وعباره
توارد وترد القلب من كل فج وفاج=وتقبل كما امواجٍ مع ريح صرصاره
ليا اشتد صلف النود والبحر هاج وماج =تسوقه على الشاطي عواصيف جباره
غريبٍ ومشتاقٍ وشفقٍ على المنهاج=وسود الليالي تخلف الظن ..غدااااره
وجودي على شوف المحبين يا فراج =وجود الكسير اللي دنو منه بجباره
وهذه ايضاً له في الحكمه
ياالله ياللي بيدك العز .. والجاه=ياللي لخلات المخاليق رافي
يامن خلل عبدك ليا..بان.. ترفاه=ياعالمٍ غاية خفا كل خافي
إلطف بحال اللي تبهذل بدنياه=وداج بجميع انحا.. النحايا وطافي
يطرد ورى حظٍ عليك انت مشكاه=لاشك شاف من الزمان اختلافي
من كثر ماله ساروا الناس برضاه=لو كان ناقص قالوا:- الناس وافي
ومن قل مابيده ترى الناس تشناه=لو كان يسقيهم عسل قنط صافي
فالمال كم ساسٍ طمانٍ وعلاه=والفقر كم حطم روابع سنافي
لاشك ما للعبد عن حكم مولاه=من خير .. وإلا.. شر.. والرب كافي
ما كتب للمخلوق لابد.. يلقاه= اما هزايم .. شر .. وإلا ..عوافي