[عبدالرحمن الربيّع]

الا انتِ ..

لا يجي في بالك اني

يوم ابنسى واتغير ..

الا انتِ ..

لا تروح افكارك

ابعيد وتحير ..

الا انتِ

والصدق انتِ

وانا كلي وضوح ..

والغلا فيني

كثر نبض الجروح ..

وين اروح ..!!

وليه اروح ..!!

دام كل الناس انتِ ..!

وكل هذا الكون انتِ ..!

ودام كل الأسئله

تبدا بك انتِ ..!

وكل حروف الأجوبه

تقراك انتِ ..!

ايه انتِ

ايه انتِ

ياللي ماعرف الفرح

إلا في لحظة تجين ..!!


.
.


أحتار بك ..!

واحتار لاجلك

واسألك ..!

ليه الكلام اذا كتبته

يكتبك ..!

ليه العيون اذا لمحتك

ترتبك ..!

ليه الهوى ..

يخجل من شفاتك

ويمكن يخجلِك ..!

يمكنه احساسي غلط ..

أو انها كلمه

بغيت اقولها ..

وخفت وخجلت ..

وقلت لك لا تزعلين

كانت رساله بالغلط ..!

وليتني أدري لمين ..!!


.
.


لا تسأليني عن غلاك ..

لا تسأليني ليه احبك ..

سولفي ..

اضحكي ..

لا تسكتين ..

علميني عن زعلك

وعن رضاك ..

وعن حبيبك ..

قوللي كل اللي تبين ..

واسألي عن كل شي ..

إلا عن أسباب حبك

طالبك ..

لا تسألين ...!!






يااااااااااااااااااه يابندر


رغم حزني رغم المي ولكن هذه الكلمات خففت علي ما انا فيه ...


نص شاهق غارق فالجمال ..


انت هامه من هامات الشعر ولك حروف مطرزة بالذهب ..


امتعتنا بهذا النص الراقي كلمة واحساس ..




ملاحظة :
مازلت اتوارى خجلا من دعوتك الكريمه والتي لم تسمح لي الظروف لتلبيتها ولكن اعدك فالقريب العاجل ..


لك كل التقدير واطيب التحايا .