[خالد الحربي]

.

.


الشعـر هاجـس ..

إذا رحـل .. يرحل معه الأمـل في كتابـة قصيدة ..

أبيات يتيمـة .. قديمـة ..

لـم تكتمـل ..

ع
ل
ى

قارعـة الوجـدان ..

ليت الهموم اللي في قلبي .. في قلبه "=" والله ما يرتاح .. في نومـه ثوانـي
ليته وقف لحظه .. ولا سار في دربه "=" درب الجفا اللي .. من أسبابه أعاني

قلبي تنّدم .. على ماضي الحب .. وياك "=" ماعاد تعنيني .. ( قلت آسف ) ولا تعـّـذرت

مثل السحايب .. يـوم هلّـت مطرهـا "=" منهـا أرتوى ضامي القـاع .. ياخـي
إحساسها الغالي في روحي .. أسرهـا "=" وحبّها .. مـا كنـت قبلـه أنـا حـي

لو ما أحبك .. عزاي ما باح في سـّـده "=" ولا شكيتك للسهر .. وأنت ليل حرماني
ليه أكابر .. وأبني الحلم .. وأنـت تهـّـده "=" أقول أحبك .. وأنت بعيد في جو ثاني

ليتني يا صاحبي طفـل ٍصغـير "=" كـل ما ضـاقـت بـه الدنيـا .. بكـى
ما تطـولـه شرهـة ٍتـاطـا الكبـير "=" ولا يهمـّـه لو حكى به من حكـى
الصغـير إذا إشتكـى .. يبغـى اليسـير "=" والكبـير الله يعـينـك إذا إشتكـى

تدري .. علمتني من المحبه كل شـي ! "=" حتى مواعيد الجفا .. علمتني ما أحتريها
وينه غلاك .. اللي تحسب إنه حـي !؟ "=" ما مات .. لو روحي لقت من يحتويها

صدّك اللي نويت قلّي .. وش أسبابه "=" وطيفك اللي هويت .. ويش أسويبه ‍
وصلك اللي غاب ما أرتحت بغيابه "=" وأنا خافقي ذاب من هم ... هالغيبه

عزّي لنفس(ن) .. تعاندهـا السنيـن "=" عّزي لجرح(ن) ما لقاله ... طبيـبي
عـزّي لعـيـن مغربلهـا الحنـين "=" عّزي لقلب(ن) في غرامه ... صويبي

نبكي

على ماضينا والدنيا .. تذوب "=" بجرح ..وحنين .. أحبابنا والهدايا
يغيب نجم الأقدار .. والثاني ينوب "=" ويلوح برق الحقيقه ... وحنّا عرايا

إذا غـّـرك هـوى نفسـك تصبـّـر وإنتظر .. وتشوف "=" من اللي ياصل العليـا ومن اللي تقصـر يدينـه
وإذا قصـدك تهـددني .. تراك أسديت لي معـروف "=" طريق ٍكنـت ما أحبـّـه .. وقلت اليوم يا زينـه
دخيلـك .. حـل عن دربي ووفـر لعـبك المكشـوف "=" ترى روحتـك عـن دربي .. وربي ماهي بشينــه

الحـبر دمـع القلـم .. والـورق صـدرٍ حنـون "=" والشعـر بحـر ٍغـزير وفيه منفى للكـلام
من عرفتك .. والجمال باااااهـت ٍمن غير لـون "=" من عشقتك .. بالخيال ألف لوحة .. و(رسام)

قالوا تحبه قلت : أنا أموت في حبّه "=" قالوا وقلبه !! .. قلت : يا ناس يهواني

والله لو تبكي بدل دمعتك .. دم "=" ما تفرح بشوفتي يالغدار ثانـي

محتاجك .. لو قلت أنا ما أبيـك "=" وأبيك .. كثر ما قلت محتاجـك
من غلاتك .. مدري وين أوديك "=" يا فاتني بالحب ( الزين تاجك )
علمتني أشتاق ودايم أناجيـك "=" أسرتني يا حب داخل سياجـك

تبي تجرح !؟

إجرح ..


منـك العـذاب .. ماهـو عـذاب ..


سكـّـر بكـاس روحي ..


حـلاّهـا وذاااب ..


تبي تجـرح !؟

إجرح ..

أنا قلبي وإحساسي حلالك ..

أنا من لي بدالـك ..

بالغـرام ..

يسـرح بوجـداني ويمـرح .. !


إجرح ..










>> حقوق الجـرح محفوظـة ..