السلام عليكم ورحمة الله وبركاته
ياحي الله الربع 
والله انا مبطين ومشتاقين 
اليوم نجيب لكم طبخة بسيطة ومسكته
المراصيع
والي يزينها بعد انها سهله ومايبي لها شغل
المقادير
دقيق (وان حصل دقيق صمه احسن واحسن)
ملح
ماء
بيضه (اختياري)
الطريقه
نجيب لنا قدر ونحط الدقيق فيه ونحط البيضه معه
نحط الماء ويصير حار احسن ونحرك العجين بحيث ان العجين يصير متوسط لاهو الخفيف مره ولاهو ثقيل
نحمي المقرصه وندهنها بشوي زيت عشان ماينشب الصبيب
والى بداء يستوي وراح البياض وصارت العجينه كلها غامقه نقلبها على الوجه الثاني
وهني وعافيه
وعاد البعض يحط معه بصل والبعض يحط سكر