|
" افكر في الحـــياه الي تباهت واشغلت الانسـان .....عن الدار الاخـيره والهته عن عمــــره الثاني "
حقــّـاً ...
" ماهـوب اليوم كل انســان له عند المـلا مـيزان .....ومـيزانـه رصيـده فـالبنـوك ان كـان ملـيـاني "
تعِسَ عبد الدرهم !
" يفز اله الحضــور وكنهم حوله حرس هــامان .....وكلٍ يمدحه منهم عسى يحظى بالاحســـاني "
((ولا تُصعّر خدك للناس)) ...
" خــويك فالرخى وان ضـاقت الدنيا عليك يبان .....يهـدك لا انقطع حيلك يبيعك بارخص اثماني "
سُحقــاً !!!
" الا يـارب تهــدينا وتغــــفـر زلـة النســـيان .....وتـدخـلـنـا نهــار الـدين في جــنات عـدناني
"
آميـــن ... آميــن
"
تمت اضافته نوفمبر 22, 2001 10:57 PM | الاي بي: مسجل
--------------------------------------------------------------------------------
السلام عليكم ورحمة الله وبركاته
كل رمضان وانتم بالف خير...انشاء الله
جلست البارحه لين انتهى ليلي وانا سـهران .....افكــر في زماني وش خـذا مني وش اعطـــاني
افكر في الحـــياه الي تباهت واشغلت الانسـان .....عن الدار الاخـيره والهته عن عمــــره الثاني
عن الدنيا خذتنا واشغلتنا عن رضا الرحـمـــن .....وخلّـت من تبعها في النهـــايه خـاســرٍ فاني
كثر فينا الحسد والخير قفّا واقفرت الاوطــان .....وصــار الشيخ قبل الشـاب طمـــاعٍ وقومــاني
تخلينا عن العــادات واصـبحــنا بـلا عــنوان .....نسـينا الي مضى واصـبح لنا التقلـيد عــنواني
تغــيّر وقتـنا عـز الله انـك يـازمـن خـــــوّان .....تقـلّـب كـل يــومٍ حـــــال والله مـالك امــاني
قديم الوقت كان الذكر لاهل الجود والشجـعان .....ولاهـل المعـرفه والطيب واهل الشور والشاني
الا منه ذكــر للـنـاس جــاه من الثـنا مــا زان .....يقـال ونعم له ذاك الرجـل قد كــان ثم كـاني
ماهـوب اليوم كل انســان له عند المـلا مـيزان .....ومـيزانـه رصيـده فـالبنـوك ان كـان ملـيـاني
ولا احـدِ ينشـده من وين جـــاك المال يا فنان .....حــرامٍ في حـــرام وصرت به ياشين سلطــاني
الا منه دخـــل في مجلــسٍ فيه الردى ملـيـان .....نفــخ صدره نسى ربه تكــبر صار شـيطــاني
يفز اله الحضــور وكنهم حوله حرس هــامان .....وكلٍ يمدحه منهم عسى يحظى بالاحســـاني
ومثله صـاحبٍ سمسار يغشك باعذب الالحـان .....كـلامه حــالي مثل العســل والقلـب بركــاني
اذا له حـاجـةٍ عندك يحطـــك للبلـد سلــطـان .....ويبـدي لك محـبه مالـها فـالكـــون مـيـزاني
خــويك فالرخى وان ضـاقت الدنيا عليك يبان .....يهـدك لا انقطع حيلك يبيعك بارخص اثماني
تجنب صحبة الخاين ولا ياخذك فيه احســان .....خـوي المصـلــحه مـاله ســوى ذلٍ وحـقـراني
وثالثهم جليس الســـو سمـوه العـرب شيطـان .....تحلّى في صفات ابلـيـس قـاصيـها مـع الـداني
عذابه لا لقاك بخـير شبت جـــــوفه النـيران .....يبي يبعـدك عن درب الطــهــاره والـتـديـاني
يزيـن لك دروب الـشـــر ويفـتــّح لهـا بيـبان .....يقــول انت العظـيم ومنزلتك اعلى من فـلااني
يجي لك من طريق المال والنشوه مع السلـــوان .....وتبدا ما دريت ان الـطــريق اقصــاه نـيـراني
ولا منك وقعت اقفى وهــو متشمت ٍ فرحـــان .....قدر يغــويك واقفى عقب ما شـافـك بالاكفاني
وابو وجهـين يا ويله نهــارٍ ترجـف الابـدان .....يعـذب في جهــنم ينكـــوي بالـنـار ويعــاني
يغش الناس في شكله تقـول انه من الرهـــبان .....خـدع من صدقه ما يـدري ان الشــيخ ثعــباني
اذا جــــــا بين ناسٍ يعــبدون الواحــد المنان .....تظــاهر بالخشـــوع وهل دمعه فوق الاوجاني
والا منه خـلا بالـنـفــس قام يطــمّر الحــدان .....سـعى في كـل شيٍ يغـضـب الـوالي بكــتـمـاني
تراشى وارتشى ما خـاف من ربي عظيم الشان .....كـلا مـال اليتـيم وبالربى تاجــر وكـســباني
وباع المنكرات الي تحــــط المجـتـمـع مرضان .....جنى مالٍ حـــــرام وذوقه لاهـله وهــو عاني
الا ياســـامـعٍ قولي تر الدنيا لهــا وجـهــــان .....لها وجـهٍ حلو والوجه الاخـــــر فيه نيباني
وفيها الامتحان الصعب وابطــاله هـل الايمان .....لهم فيهـا شـهــاداتٍ الى الجــنه وغـفـــراني
لأن المومن الصــالح اذا جــــته المصـــايب بان .....دعـا ربه وزاد الصــبر في قلـبه والا يمــــاني
واذا جـاه النعــيم يقـابله بالشكــر والعــرفان .....يزكي المـال ويعين الضعيف ويكـــرم العــاني
تذكر يا بن آدم واعرف ان فـ الاخـــــره ديّان .....غـفــــورٍ للذنـوب ولا تغــرّه زلة الجـــــاني
وقدامك سـبيل الرشــد والا الكــفر والعصـيان .....ولك عينين في راســك ولك عقــلٍ ووجـــداني
الا يـارب تهــدينا وتغــــفـر زلـة النســـيان .....وتـدخـلـنـا نهــار الـدين في جــنات عـدناني
وصـلى الله على محمـد نبي الـحــق والبرهـان .....رســول العـالمين اجمع ودينه خــير الادياني "
اللهم صلِّ و سلِّم على نبينا محمد ...
الشاعر الأكلبي ...
من محاسن الصدف أنني وقعت على رائعتك الليلة ...
جزاك الله خيراً و صحّ لسانك ...
عدد ما صلّى عبد و كبّر ...
___.. .
|