الشتاء جا ..!
#الشتاء جاء يابعد عمر الدفا
لحفيني قبل يلحقني البراد!
مايضيم البرد والموت #الجفا
(ليت ربي ما كتب لحظة بعاد)
الوفا .. ياوين احاديث الوفا؟!
ضاعت اول ماظهر طبع العناد!
(الوفا) حشمة غيابي في القفا
غيرها/ ماهي سوى ضغطت زناد
ابسط احلامي مع عيني غفا
لو دريت اسقيتها مُر السهاد!
واصغر امالي ادور لي صفا
ممتلي غربه / وانا وسط البلاد
اخر القنديل في عمري .. طفا
كنت ابي وانته تبي والله اراد!
خلي عنك الحكي ما قد جا كفا
مايدوم احدن سوى رب العباد
اجرحيني وابشري .. قلبي عفا
والوكاد ان كان تبغين الوكاد...
المشاريه القديمه ... والـ (افا)
ما تسد الجوع في لقمه وزاد !
ذي جروحك كان حكيك قد نفا
اثبته فعلك / وقلبك / والمراد..!
ناظري .. وانا أغني للجفا
(ليت ربي ماكتب لحظة بعاد)
والله إني حيل محتاجك دفا
لحفيني قبل يذبحني البراد!
#عبدالرحمن_آل_مغني
@almogni07
|