[نوف الثنيان]

لأحدى نفائس اللؤلؤ الدانة بنت عبدالله ( وحش )
طلب عزيز لـ مشاركة جديدة ومن عزيزة على قلبي ..
لها .. ولكل القلوب الناصعة هنا ..
ولكل من اتخذ الشعر متنفسا له ..

من الظمأ ..
مرّت سنة ..!



مرّت سنة
ورَى سنة
وانتَ وانا
تهنا على كل الدروب

احساسنا لو شمسنا
غابت ورى تلّ الذنوب

يبقى يجمعنا صباح
وينتهي فينا غروب

باقي افـ .. عيوني .. مستحيل
وباقي افـ .. عيونك خطوتين والف ميل ..

صعب الرحيل
عن قمتي
وصعبة أحطّ افـ ذمتي
انك بخيل ..!

جمعت لك في ضحكتي
ورد وعبير
وسكبت لك في دمعتي ..
حزن المصير

آخذ من ايامك زمان ..
وابتدي فيك الطريق
واعطيك من صبري أمان ..
وأنتظر منك الصديق

ياللي تواريخك معي .. شِيمَة وفا
كتبتها .. جمعتها .. برد ودفا
وغنيتها ظلّ وهجير

عطني من الطيبة وعد ..
واعطيك طعم الانتظار
لو زاد بالظلمة أمد
باقي من الوقت النهار ..

ابَ اوعدك .. باللي بقا
واعاهدك صدق ونقا
واعيش فعيونك مزار

خذني حنين
لاتخذل جروح السنين

جيتك نهاية راضية
ظلمَك حكاية ماضية ..
جرّة قلم .. حزن وألم .. قلب أنظلم
ابـ .. اختم الفصل الحزين ..