[منتهى القريش]

إقتباس »

الرسالة الأصلية كتبت بواسطة سعيد بن مقبل الأكلبي
يمديها نامت اكيد <<< ياحبه للمطامر على اللحظات
انا انعديت يابوخالد

وقسم ما نمت إلا ساعه ومقطعه بعد ..
جاية العمل شبه مواصلة .. والدليل هالموقف اللي حصل لي ..
هذا طال عمرك من الصبح جيت العمل والدرج حق مكتبي خربان من أمس ..
المهم ما لك بالطويلة .. اتصلت على خدمات المكاتب عشان يجوا يصلحوه ..
سألني الموظف: انتي بأي بناية؟
اعطيته اسم بنايتنا القديمه الي صار لنا ناقلين منها أكثر من سبع سنوات ..
قال طيب اعطيني رقم تلفون المكتب .. اعطيته الرقم..
رد علي باندهاش هذا الرقم مو بهذي البنايه قلت له: إيه إيه صح اعطيتك البناية الغلط ..
وصححنا المعلومه ..
سألني بأي جناح انتي؟ قلت له بجناح E ..
رد علي يا اختي ركزي هالبناية ما فيها الا A B C
أوووووووووووووم الإحراج .. قلت له ما عليش بعدني ما اصحصح .. أعتذر ..
المهم بالآخر سألني عن اسمي وهو يتمصخر.. حافظه اسمك؟
قلت له الظاهر انه اسمي منتهى .. وكان ودي افقع وجهه << يا قوية ..

شفت الفهاوة بسبب قلة النوم ..

تقول أم كلثوم .. لا نوم ولا دمع في عنيا ما خلاص الفراء فيا ..

وبس ..

اووووووووووووف تعبت من الطباعة ..