إقتباس »
الرسالة الأصلية كتبت بواسطة منتهى القريش 
لحظتي ..
شوق وحنين لـ الجميع ..
وهذا إهداء لكم كلكم ..
..................
حنيت لك ..
تدري اشكثر؟
كثر الغريب ..
لما يحن لـ ارض الوطن
كثر الحليب ..
بـ اصدور إحدى الأمهات
لو يبتعد عنه الرضيع
يشتاق لـ اشفاته ويحن
كثر اليتيم
اللي فقد أمه وابوه
وابـ فقدهم
ماتت بـ ايدينه الأمنيات
ومن كثر ما عاش الشتات
ذبل عوده وانكسر .. مثل الغصن
حنيت لك
كثر الدموع الحايره
اللي مثل غصه اوقفت
ما بين رمشي والجفن
وانت الوطن ..
أقفى وراح
علمني بالله من تروح
كيف أداوي هالجراح
اشلون اعيش ابـ غربتي
اشلون أبدد وحشتي
وآنا حنيني كالغريب
لما يتوه ابـ دنيته
لما تخونه خطوته
ويضيع في عتمة طريق
مثل الغريق
الـ محتاج يتنفس وطن ..
آنا غريبه ابـ غيبتك
والناس من حولي سراب
متوحشه كل الدروب
وعيوني متروسه ضباب
والروح مرمرها الشجن
حنيت لك
حنيت لك
وما اريد غيرك لي وطن ..
أختي منتهى 
كعادتكِ أحرف رائعة نسجتيها بعذب إحساسك .
دمتِ ودام إحساسكِ رائعاً .