[إبراهيم الوافي]

(الأخيرة )

بانتظاركْ ..
ظل والشارع نهار ..
..صدقيني ..
كلنا حزن وحصارْ
لاتغيبي .. آخر الشارع رصيف ..
وأوّل أحزاني جدارْ ...
يا القلوب الساهية ..
لو تصبّرنا شهرْ ..
آخر الفرقا دهر ...
وأول غيابك .. قرارْ ..!
لو تخيلتي نهاري .. في غيابكْ
كان جيتي ...
لو تذكّرتي دقايق ليلنا الأول .. ذكرتي مانسيتي ..!
...
ياتفاصيل الحكاية ..
خلي غيابك نهاية للنهاية ..
خلي ذنوب الظروف اللي تشكّكبك
هواجيس البداية .. فالبداية ..!
كلميني ..
صدقيني بانتظارك ..
بانتظارك من عرفتِ اني وتاريخي
وأوهامي وأحلامي .. تجمّعنا كواكب في مدارك ..!

يا غايب عننا ..!

18-05-2006