[عبدالرحمن ال مغني]

المطار اللي رسم .. وجه المسافر
يختلف في ناس جات وناس راحت!


الحزن [وجه الموادع] .. لو يكابر
[الملامح] .. كلما نخفيه باحت..!!


كيف نخفي وانت قلبك كان ذاخر؟
حب واحساس ومشاعر،ليش طاحت؟!


كنت أشوفك في ملامح كل عابر!
في الأماكن / في السحاب إن كان ساحت!


كنت اشوفك يالملاك .. بقلب طاهر!
لين مانفسك عصتني .. واستباحت


انهكتني وانهكت صوت الحناجر
خلصت ذيك الحكاوي شوف/باحت!


صرت اشوفك بس في طاري المقابر!
ذكرياتك غابره .. [معاد فاحت]


صاحبي والوصل لامن صار [عاقر]
كيف ابوصف موقفي والعين شاحت؟


انت صابر .. بس انا ماني بصابر
كل نبضه في خفوقي منك ناحت!


لجل ابنسى / شوفني دايم مسافر
بس طريا الجرح مدري ليه صاحت؟!


البعد [وجهٍ كئيب] .. [وقلب كافر]
وانت فرصه ماتعوض/ كيف راحت؟!