.
لن أقتبس !
فلا مجال للإقتباس هنــــا ..
ليت السما .. خاتم .. وّجه القمر .. فص
ــــــــ وأقدر يا عمري ..أقدمه.. لك هديـّه
وليت البحر ..بأمري..وأنا ارص لك رص
ـــــــ رمـله و مـاه .. و ثـم الاعـبك زيـّه
أو ليت الارض .. بكيفي .. أقصها قص
ــــــ وأجمع لك .. ورود الزهـر .. في يديّه
دامك حـبيبي / دنيتي .. وشتبي وَص
ـــــــ لك ما تبي .. منـّااا .. إيليـن المنيـّه
قلبي .. قـسمته بيننـا .. النص بالنص
ـــــــ قلت : الله اللي قاسمـه .. لك و ليـّه
وعقلي ..اخذته ..قلت: فخاطري أص
ــــــ من زينه أصلاً .. خل .. يبلش بغيـّه
بس صحَـّتي .. تكفى ترى ما لها خَص
ـــــــ يكفي تـردّت .. بعد ما هي قويـّه
ما تدري : إن العبـره .. بعيني تغص
ــــــ لا قمت افكر ..من هو فينا الضحيه
فجأه ..عشقنا بعضنـا .. والعشق لص
ـــــــ يسرق .. قلوب ٍ .. ما نـوت بالخطيّه
تعال : قص حكايتـك .. لي .. وانا اقص
ــــــ حاكيتي .. لك .. بس خذها .. وصيـّه :
الحب ياااهو سُهد .. شف .. مصني مص
ـــــــ فكـّر ..! قبل تصدمك الايام .. فيـّه
ينصر دينك ..
ويسلم شعرك .. ويسلم إحساسك يا صالح !
انت مغري لكل قارئ ..
قصيدة مرهفة رقيقة جدا ً تذوب بين شفاه كل قارئ لتتغلغل في اعماقه ..
لله درك من شاعر ..
إعجابي الشديد
.