[محمد جفال]

أخواني الافاضل .. مساء الخير ,,
نظرا لإستعجال شاعرنا / محمد الدحيمي
على سماع أكثر من نص شعري , لم
أستطيع التريث وأتيتكم بهذا النص آمل
أن يرتقي إلى أذواقكم الرفيعة :

هبة يمانية .. وأنا وجهتي شام
والشرق .. مالي فيه بحر ومواني

سريتها مسرى بلا خرج وخطام
وقوامت مجاهيم الظنون تحداني

غنيت أجسّر خطوتي .. مير الايام
غنت بصوت طاح بين المحاني

صوت .. خنق في خاطري ريح الانسام
شفته .. قبل لايسمعنّه أذاني

وعلى بياض الطرس .. ذكيت الاقلام
ولقّحت عيصات النضا بالمعاني

كل الامال .. اللي ملت جوي العام
تبددت .. ماعاد باقي أماني

وجه الشبه بين الزجاجة والاحلام
الانكسار اللي يصير بثواني

والبندق اللي في يدي مالها أحزام
وضوي تلاشى وأسود الليل داني

تاطا قدم رجلي على روس الالغام
وأصبحت أحس أن الخطر في مكاني

لولاه قلبي صلب ويهد الاصنام
ماقاومت نفسي مصايب زماني

ما للزمن رحمه .. وراجيه ينضام
ياما عطيته للأسف ماعطاني

الا .. عطاني هم .. وجروح .. وآلام
وأنا .. عطيته قلبي اللي عصاني

علمني أشلون أحضن الهم .. وأنام
وعلمته أشلون الصبر والتفاني