وهاهو يغنيني عن كتابة مقدمة أخرى ...
وذا آخر ماكتب نايف عوض يازهرة الرمان
...................وزرع في تربة أوراقه كلام ولاحصد حاجه !
:
:
رح لكن إذكرني وأشوفك على خير
................إن كان في شوفك من الرب قسمه
انا أدري الفرقى سما والأمل طير
........................شتان مابين المسافه وجسمه !!
باكر تصير جدار ذكرى وانا اصير
................لأيامي الحلوه على يديك رسمه
والحب يصبح في نظر هالحزن غير
...............لاضاع معناه وتمسّـكت بإسمه
رح .. وإبتسم كانك تمنّالي الخير
..............لأني أول ماعرفتك بـ بسمه !!
* O~o~O *
إن قلت يمنع رجعتي كبريائي
...........مصيري ارجع لو بحلم الوساده !
لنّي ليا رحتي بعيش إنطوائي
........ولنّي ليا جيتي بموت بسعاده !
ياريم .. يا أكثر كلمةٍ في دعائي
..........يامشاركتني في فروض العباده
عطيني الله لايهينك شفائي
............تعبت من سم الجفا والقراده
تعريف ضحكاتك معايه : (بقائي)
..........وتعريف دمعاتي عليك : (الإباده) !!
* O~o~O *
تحسبين الجفا حل إضطراب الحنين ؟!!
................والجفا مشكلة بتخرب اللي مضا !!
واجهيني بغلطاتي وأشوف شتبين
.............وكاني أخطيت لك حق الزعل والرضا !
اللي آعرفه إني ماحسبت السنين
............مرت لخاطرك غيمٍ يمر بـ فضا !
ما أطلبك ربع ماكنتي معي تاخذين
.........أشتهي الشي وأعافه وأقول القضا !
والحكايه على هذا تجي بـ كلمتين
.......رجلك بـ ما .. ورجلي فوق جمرة غضا !!
بلا نهاية لهذا المجنون ..........!
.