[نورة العجمي]

مــدري خيال اللـّي حـصل ولاّ حقيقـه غايبـه

........ أنـّي أشوف الكـون يعـكـِس صورة أشباهك عليك


أقصر معانيـك اللقـا وأطول حدودي سايبه

........ وأوضح تفاكـير المـسا أنفاس ملــّت تـهـتديك


شفتـك مسافه والفضا رحب وحظوظي خايبه

......... وأقسى تـجاعيـد السهر كذبه تـحِـس أحيان فيك


كن الخـطاوي لغـير دربك من أثرها تايـبه

......... وكن العـُمر أوراق صفراء هزّت أغـصانه يـديك



توّي بقول إن المدى مـُبصِر وكفـّي عايـبه

......... وأخيط فم الليل والعـب لعـبة تجـيني أجيـك !


أثر المواجه عـشق وظـروف المواجه نايبه

......... وما بيـنهن حلـم ٍ رسمك ولو تهيا له نـسيـك


تتوقعين اللي جرْحه الشوف عـينه طـايبه

......... دامه إلى ضم الهدب فوق الهـدب ما يحـتويك


شـ عاد لو صرت التمس عذرك وأنا اللي جايبه

......... أو أمحي وجَْودك وأخـلّي عـِرق فيني يرتـجيك


سجـّيـت عن وجهي وأنا متأكد إنـّك غايـبه

........ وردّيت لـه وآنـا مشكـّك..وأسألك إنتي هـذيك !؟




مساءك شعر

صالح العبدالكريم

أبيات أعتلت الأحرف فيها أعلى درجات الأحساس والجمال

الصمت احياناً أبلغ من الكلام

لا أجد من الثناء مايليق بهذا الأبداع


تقبل أعجابي يامبدع


كل الود