[نوف الثنيان]

.
.
.

وينك غياب ..؟!
جمعت لك فـ الليل تاريخ وكتاب ..
قصة قهر ..
ونجمة ورا جفون السحاب
نامت سهر ..

.
.

وينك سراب ..
فتحت قاموس المطر ..
ماهنا سحاب ..!


ياصاحب البال الوسيع ..
نام الجميع ..
وآنا تحريتك شهر..
يسهر على جفوني عذاب ..
وينك غياب ..؟!


كن العمر روّح على أول طريق ..
وما رجع
وينك وطن ..
الوقت فـ غيابك وجع ..

الليل .. عيا لا يصافح في يدي كف الزمن .. ..
والصبح .. عيا يبتدي فيني نهار بلا شجن ..

.
.

وينك تجيني .. ونلتقي ..
وأجمع لك العمر الحزين اللي بقي ..

صدّقت بعدك ..
إن كل اللي يفارق له حبيب ..
يحيا شقي ..!

.
.


آخروعد ..
كان افـ كلامك صمت .. وفـ حزنك هروب .!!
حسيت بظلال الضحى تجري ..!
تبي تلحق قطارات الغروب ..


حسّيت فيك ..
شارد مع انفاس الغياب ..
تب .. تعتذر عن كل شيء ..
حتى العذاب ..!

وانا عذرتك ..
بس ما أطيق القهر ..
عدا شهر ..
وآنا تعبت من السهر .. !
وينك غياب ..؟!