الديرة الي كلها بنات ومهار=ماشفت مثلك في الصبايا خشيرة
ماحب غيرك والمواليف اكثار=اول حبي انت ونت الاخيرة
فيك زين يلفتلك كل الانظار=وكل البنات بحظرتك ماتوا غيرة
لاجيت ابى وصفك اسج وحتار=من فين ابي ابداْ ووصافك كثيرة
ينعم من الديباج وقسى من احجار=يصحوة الصاحي وفقدة سكيرة
يهقوة الهاقي بحزاة الاعسار=ويمحققت كل الاماني العسيرة
قدك اخذ مالزين بحكمة ومقدار=لانتي طويله حيل ولانتي قصيرة
يام الجمال الي علية القلم سار=نثر حبورة بالغزل ياخطيرة
تغنجي بخطاك ومشي بتبختار=وتغطرسي بالزين ياحلى اميرة
وفيك اتغزل ابجزيلات الاشعار=وعليك حروف شعري حلوة نظيرة
وماهمني في الشعر ناقد وحقار=متفائل(ن)بالحب والحب خيرة
ومشاعر بحبك جديدات الافكار=ونظمتلك بالشعر الفين سيرة
في جيتك تتفتح اورود وزهار=وفي غيبتك بالدمع عيني سهيرة
لو أنخلقتي في زمان(ن) مضى وبار=ماكان مغيث مات لجفا بريرة