|
رد : ينفخون في كِيرٍ لا يهدأ ( استطلاع )!
يقول الشاعر
من هرج بين الرجاجيل يعرف من سواله ... يعرفون الناس هرج الصحيح من الخبالي
فالرجل قبل لا يبدا باي شي لازم يعرف ان كلامه محاسب عليه وماخوذ فيه
للاسف بعض الشعار-وهم قله- في الزمان التالي ما فطنوا انهم مهما كانو في محضر رجاجيل وعامه فالكلام لازم ينبنى على اساس ومعرفه والكلام يوخذ فيه الرجال من لسانه
وماعرفوا ان اساس المحاوره قياس فهم ودراية الشاعر للامور العامه وحضوره الابداعي والذهني
علبالهم ان الشاعر مجرد مهاجمه ومنظور واحد يا اكسب يا تكسبني
وهالشي اكبر غلط
سمعت من الشياب يقولون ان الشاعر سلمان بن شريم سالوه قالوله وشهو الشعر
قال الشعر كلام الناس بس مرتب والشاعر ماخوذ فيه ان كانها بالزينه والا بالشينه
انا اعتقد بروز حماس الشباب ومفاهيم العنصريه والجمهور مثل ماقال فهد هو اللي خرب المغزى للمحاوره
والا المحاوره ماهي كذا ابدا
|