[الجازي]

الوالد العزيز ابونوت ..

بداية .. لابد أن اعترف .. اخجلني جداً أطرائك . .

لاشك تشجيعك وإشادتك لها تقدير معنوي كبير بالنسبة لي ..

والذي أتمنى أن اكون كما تفضّلت به .. واتمنى أن اكون ايضاً عند حسن الظن دائماً ..

ممتنه جداً لك لرأيك ..

وممتنه لتواجدك ومشاركتك الرائعه والقيّمه ..

لاشك اختيارك رائع لموقف مؤثر وابيات قويه تجسد الحزن وتثير بالفطره عواطفنا نحوها ..
شهادتي في شاعريتك مجروحه .. قصائدك لها ميزه خاصه يفوح منها عبق الأصاله والمعاني الغزيره والعميقه والجزاله ورصانة الألفاظ والعذوبه .. تجعلنا نتعايش مع القصيده الى آآخر بيت ..

شاعر بحجمك وشاعريتك الفذّه اجدني في حيره في اختيار أجمل الأبيات من خلال البحث .. المتوفر في شعبيات ....

وبما أن اختيارك تم لقصيده تعبرعن النبض الأنساني .. في هذا الموضوع .. أجدها فرصه لأقتباس أبيات أخرى ومختلفه لتدوين مفهوم الحب والمشاعر لدى الشاعر الكبير صالح السبيل ..

/]
[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يامـن هـواه يجـدده حـر فرقـاه = وهو عن اللي بالهوى غـرق لاهـي
ارفق على قلب(ن) غلاك انت عنـاه = تـراه ممـا جـاه بالحيـل واهــي
قلب ( ن ) تعلق فيك يكفيه مـا جـاه = من قبل اضيـع بالطريـق اتجاهـي
أناجريح(ن) يجحد الجـرح واخفـاه = باللي جرح روحـه فخـور يباهـي
الله يجـازي عاذلـي فيـه ماغـلاه = له طلـت(ن) منهـا تفـز السواهـي
[/poet]

[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
وسلم على الجراح بلسـان مجـروح = وقله تـراه مـن الخطيـه مباحـي
وقله ترى صبره من الوجدمشحـوح = عود تراه ان طول الهجـر راحـي
مالك ورى قطع المعاليـق مصلـوح = ولالك ورى تعذيب روحي صلاحـي
وخلاصة الموضوع والقلـب مفتـوح = وفـي داخليـه للمـوده مـراحـي
ان جيت صوتي من مناداك مبحـوح = وان رحت فالدنيا وسيعـة مناحـي
وسرك ترى لو جرت ماهوب مفضوح = مانيب من عقـب المـوده يلاحـي
[/poet]

[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يقولون الهوى يبدابطور وينتهي باطوار=وأنااقول الهوى يملاالقلوب اللي يعذبها
تولعت وبنيت من الغلا فوق الضلوع اسوار= وسكّنتك ولا سكّنت غيرك لا تخربها
صحيح ان الزمن دوار تكفا لا تجي دوار=أحبك كلمةٍ ارسلتها لك وانت تعربها
غرابيل الهوى قبلي رمت بالفارس المغوار= رمت به مهرتٍ من زينها تفرض ضرايبها
وانا مثله صويب اللي لها وجهٍ يشع انوار= تماري بالدلال وسيفهااللي تحت حاجبها
[/poet]

[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
مادمت تطلب يجيـك القلـب خفاقـي = وابشر بهاحاضـره مهيـب مفهوقـه
اعطيك مـادام بالـي للغنـى راقـي = ماوافق القلب من طبعه الـى ذوقـه
تقريـر مبداواهيجـن عقبـه الباقـي = اول بيانٍ عـن المحبـوب واحقوقـه
واشوي واعلـن لكـم بيـانٍ لحاقـي = بغرامي اللي لو ازعل مانكسر طوقه
ابا اخفي اوراقهـا وابيـن اوراقـي = دعوى غرامي مع الاوراق مرفوقـه
لي صاحبٍ من عرفته مابعد ضاقـي = منه الوفاء والنقاء والطيـب بعروقـه
اشتاق له موت والمحبـوب يشتاقـي = شوقٍ يعادل جروح الوقـت وافتوقـه
يستاهل الشوق سوق لذوقـه الراقـي = يا حظ من راس مالـه ود معشوقـه
لمه جذبنـي سحـاب ولمـع برّاقـي = نّوارة من سحـاب الغيـث مخلوقـه
قبله مااعرف ان فيه دموع وافراقـي = وعقبه تقطّع بوسـط القلـب معلوقـه
الرجم اشوفه ولكن وش لقى الراقي ؟ = الارض تحته وقرص الشمس من فوقه
لي كم ساعه وانا واقف على ساقـي = واعزّي القلب كود يجوز عن شوقـه
وارجع واغنّي ودمع العيـن حرّاقـي = ((الشمعه اللي تجيب النّور محروقه ))
[/poet]


[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
والظلـم اشوفـه عــادةٍ للمحـبّـن =وانتي مـن الظلـم المحبـب قريبـه
والعشق جلاّب السهـر واخـره شيـن = راعيـه للنجـم الشمـالـي رقيـبـه
كنـا اثنيـنٍ مـا يقلّـد بنـا اثنـيـن = يعـج لـي ودّه ووجــده وطيـبـه
ولادري وش اللي خط فالارض خطّين = الله على مـن خطهـن لـي حسيبـه
يالايـم العشّـاق خــلّ المساكـيـن =سوالـف الدنيـا عليـهـم عجيـبـه
هم يحسبون الوقت يصفي بعـد حيـن =والوقـت عنـد اللـي مسوّيـه غيبـه
والـود هـم وغـم وافـراق غاليـن = وسحرٍ على العشّـاق ياخـذ ضريبـه
واظن فينـي منـه بعـض البراهيـن =سجّـه وتنهيتـه وعـبـره وشيـبـه
مغيـر اناجيـهـا بلـيّـا عنـاويـن = واقـول ياشبـه الحـمـام الربيـبـه
اصيـح وانتـي ساكـتـه ماتـردّيـن = صحيـح قانـون الـغـرام الغليـبـه
الى متى وانتي علـى الهجـر تقويـن = وتعذبيـن اللـي تــردّى نصيـبـه
عودي عساهـن يرجحـن الموازيـن=والاّتـرى مـن بـاق شـيٍ يجيـبـه
ماقوى على هجرك ولا اقوى على البين=ولاقوى على رد القمـر مـن مغيبـه
عساه لي تكفيـر مـا شافـت العيـن=وماكتـب للمخـلـوق لازم يصيـبـه
يانفس هودي بالهـوى مـن تناجيـن ؟=ماينـوخـذ ود الحبـايـب غصيـبـه
[/poet]

حتى التوقيع رائع .. .. ولحرصي على أمانة التدوين فضّلت إضافتها .. ليكتمل أجمل ماكتب الشاعر صالح السبيل من رصيد عن مشاعر الحب في الملف الخاص بشعبيات ..

[poet font="Simplified Arabic,4,firebrick,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ليت الليالي ماتغيـر فالاحبـاب = وليت الحبايب ماتغير نظرهـا
مال الصدور الا تناهيت واعتاب = ولا للحلوق الا مزايـم عبرهـا
[/poet]

الوالد العزيز ابونوت ..

تواجدك مصدر فخر وأعتزاز لي ..

ومشاركتك أثرت الموضوع ..

تحياتي لك ..