[مسفر الدوسري]

الرسالة الأصلية كتبت بواسطة تبــاريح

ما أبيك..
يعني بس..
لاتجيني..!
لاتجرّح خطوتك..
بدرب عَبَس..
لاتعكّر مبسمك..
بكاس حزني..
لا..ولا ترجي ذابل ياسميني..!

سيـدي..
ماتت قلوب المواني
حطّمت كل القوارب..
وإنجرح صوت الأغاني
والأماني.. والأمل..إحبسوها..
وباب أحزاني موارب..

النوارس..
ملّت عيوني النواعس..
ورفرفت غربان حظّي
وإمتلت بالنحس أرضي..

ياسمي الشمس....تدري؟؟!!!

إلاّ أبيك..
إنتشلني
إعتريني مثل رعشة..
إسدل بليلي ضياك
وإهدي للغرقان قشّة..

يعـــني..بس
لاتّخيل قلبك الليلة بدوني..
لا..ولا تضوي بغيرك عيوني..


يعني..ياجـــــــــنوني

إرجع ..

وربي أبيــك...!



طوفــان الروعة..
ياأستاذي..
بربك..
إغفر لغرير حرفي الذي إنزلق هنـا..

ممتنة أنا..لكل مايجعل روعتك في متناول القلب..والعين..

لاعدمناك..

تبــاريح:

ليه يا العاشق حزين؟!
هالقلوب اللي تلمّك
وتحضن الحزن اللي فيك
ما تهمّك؟!
هاليدين اللي تشكّل غيم
وتهتن لك أغاني
من محبّتها تضمّك..
ماتهمّك؟!
ليه يا العاشق حزين
وليه يكثر ..كل ما غنّيت..
همّك؟!
ممتن أنا وليس أنتي لكل حرف منك ظلل وهج آهتي ،ممتن لما "انزلق" من حروفك لا ليقع،ولكن ليرتفع عاليا بي إلى فضاءاته القزحية ليبدّد عن قلبي وحشة الحزن،

شكرا لروعة قلبك،