صالح السبيــّل .. أو أبو نوت
لهذا الاسم قصة مع الشعر لاتنتهي .. يفوح عبق الأصالة في كل بيت يكتبه .. عندما تقرأ له تشعر بأنك لم تكن تعرف الشعر من قبل ..
يكتب بروح الشعر الأصيل الجزل بمعناه الحقيقي .. بدون تكلف وتعقيد ..
[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
في قصةٍ تخلف عواريف الافهـام =ماغادرتني ليـن دّقـت عظامـي
خذها اختصارٍ عطرها حبر الاقـلام=وينبيك عن حالـي بقيـة كلامـي
مّرت علـي ايـام فالليـل مانـام=والناس حولي فالمراقـد نيامـي
مغير افكر كيـف لحمـت بلحـام = مع من رماني في فروع المضامي
وخلاني اجهم مع سنا الفجر مجهام =واسج رجلي في خلـي العدامـي
وامش دمعي في طواريف الاكمام =اخاف تسقط هيبتـي واحترامـي
[/poet]
شاعر .. يكتب بلا فلسفه او تعقيد .. يجذب القارئ اليه بأعجوبه ..
تتميز قصائده بالرصانة والقوة ..
لااظن احدا يمر على قصائد ابو نوت مرور الكرام .. ايّاً كانت ذائقته ..
شاعر .. يكتب بكل ولكل لغات الشعر ... هو أبو نوت فقط .. لايعتبر الشعر لهوا ً كما يعتبره الكثيرون كذلك ...
[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سلامة الجفن عل الدمع ماضـره=تكفير ما جاه من هـم وغربالـي
حاولت اسره ولكن كيف انا آسره=حاولت اسره ولكـم مـاتهيالـي
عندي وكنه علي ابعد من الحـره =هّوه ولا فاد فيها قطـع الاميالـي
والروح من قبل قبل العام منجـره =نزعت في ودها ياعسر محوالـي
لا منها قابلـت بالجيـد والغـره = والفاحم اللي على الامتان شلالـي
بالصدر دره وهو من قبلهـا دره=غالي ثمنها قليل في نحـر غالـي
قلبي على يمتـه والعيـن مفتـره= أخاف من هرجة بالناس تبرالـي
لولا الرجا قلت دنيا كلهـا مـره=الا ان ربي على مابي صخرهالي
دنيا غريبه بشين الطبـع مجتـره=الى تواسيت ابا اجلس فيها زالـي
ركضت معها وخلتني على الجره=والليل خيم وانا في ربعها الخالي
دنيا بفرقا الولايف عـادت الكـره=فرقا قديمه وفرقـا توهـا تالـي
اجفل من الشارع المهجور ما مره =مدري وشاللي الى مريت يجرالي
مثل المجدف على الساحل يبي بره =والريح نطحه وزفه موجه العالي
[/poet]
صالح السبيــّل ...
عندما تقرأ نصوصه .. تشعر بكل مااوتيت من أحاسيس أنك أمام
انسان يتغزل .. يتكلم .. يحب ..يكره .. بكل مااوتي من احاسيس ...
بكل تفاصيل ... الإبداع الشعري والتصويري
لديه اسلوب لايشبهه فيه احد في إختيار الكلمات ...
[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
ياطيـر مالـك والمسابيـق واللـوح = واللي الى منـك تنكـرت صاحـي
رف الجناح وبعد الشـوف والشـوح= وحوم على العارض عزيزالضواحي
وسلم على الجراح بلسـان مجـروح =وقله تـراه مـن الخطيـه مباحـي
وقله ترى صبره مـن الوجدمشحـوح= عود تراه ان طول الهجـر راحـي
وقله رقيـت بـراس رجـمٍ بلحلـوح=ولقيت رجمـي والطمـان متواحـي
وقله مهيضني علـى السـدره النـوح= مـن راعبـيٍ فـي خوافيـه باحـي
وعطه الحروف ويكفي الحرف للبوح =عسـاه الـى منـه قـراه استراحـي
فيه الغرام ودمع الأعيـان مسفـوح =ادله والـى منـي تذكـرت ساحـي
كله عليك ومنك ما صـار بالـروح =انت السبب فـي نازفـات الجراحـي
اول كلامك عـذب الانغـام مملـوح= بعجابك اللي مـن جميـع النواحـي
وآخر كلامك سـر الايـام مشـروح= اجتاحني بيـن الضلـوع اجتياحـي
وملكتنـي ملـك المماليـك بمـزوح= لين ان سـد المنـع بيديـك طاحـي
وصديت كن الود والعـرف مذبـوح= وخليتنـي كنـي كسيـر الجناحـي
مالك ورى قطع المعاليـق مصلـوح= ولالك ورى تعذيب روحي صلاحـي
وخلاصة الموضوع والقلـب مفتـوح= وفـي داخليـه للمـوده مـراحـي
ان جيت صوتي من منـاداك مبحـوح=وان رحت فالدنيـا وسيعـة مناحـي
وسرك ترى لو جرت ماهوب مفضوح= مانيب مـن عقـب المـوده يلاحـي
ومسموح منتب فاول الناس مسمـوح= كـم واحـدٍ قفـا بلـيـا سمـاحـي
وكم من غرامٍ يدخل القلـب ويـروح= ايـام ويجيلـه مـن الغـدر ماحـي
[/poet]
صالح السبيــّل
شاعر لايـُعرّف ..
نموذج للشعر الحقيقي بمعناه الحقيقي ..
يحلّق في سماء الشعر
يكفيه أن الشعر يعرفه.. بكل سمو ورفعة
شاعر مخلص إلى حد الإخلاص
لايتلون ولا يعرف طريقا مفبركا يعي مايقول ويعي أن الشعر قبل كل شيء رسالة سامية..
[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
مادمت تطلب يجيـك القلـب خفاقـي=وابشر بهاحاضـره مهيـب مفهوقـه
اعطيك مـادام بالـي للغنـى راقـي= ماوافق القلب من طبعـه الـى ذوقـه
تقريـر مبداواهيجـن عقبـه الباقـي = اول بيانٍ عـن المحبـوب واحقوقـه
واشوي واعلـن لكـم بيـانٍ لحاقـي= بغرامي اللي لو ازعل مانكسر طوقـه
ابا اخفـي اوراقهـا وابيـن اوراقـي=دعوى غرامي مـع الاوراق مرفوقـه
لي صاحبٍ من عرفته مابعـد ضاقـي= منه الوفاء والنقاء والطيـب بعروقـه
اشتاق له موت والمحبـوب يشتاقـي=شوقٍ يعادل جروح الوقـت وافتوقـه
يستاهل الشوق سوق لذوقـه الراقـي=ياحظ مـن راس مالـه ود معشوقه
لمه جذبنـي سحـاب ولمـع برّاقـي= نّوارة من سحـاب الغيـث مخلوقـه
قبله مااعرف ان فيه دموع وافراقـي=وعقبه تقطّع بوسـط القلـب معلوقـه
الرجم اشوفه ولكن وش لقى الراقي = الارض تحته وقرص الشمس من فوقه
لي كم ساعه وانا واقف علـى ساقـي=واعزّي القلب كود يجوز عن شوقـه
وارجع واغنّي ودمع العيـن حرّاقـي=الشمعه اللي تجيب النّور محروقه
[/poet]
صالح السبيــّل ..
نظلم الشعر عندما نقرأ نصوصه مره واحده فقط ..
كالكهف الملئ بالنفائس ... كلما أوغلت بالدخول
تجد ماهو أروع وأجمل وأغلى ... الدرر الشعرية
[poet font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
لاتبحث الوضع خل الوضع يا سامي=بعض المواضيع ما حبه ولا اطيقه
ما جافالايام راحـن فيـه الايامـي=ويبقى لي الهم والهوجاس والضيقه
حطيت سري ومكنوني والاحلامـي=في قلب طيرٍ تفلت مـن مسابيقـه
فز وتنكـر ولـه عاميـن قدامـي=عينه تطالع لسنجـار وشواهيقـه
حوّم وقفى يرفرف عقب ماحامـي=والشمس غابت وصقاره على ريقه
وعديت في مستقـلٍ نـازحٍ زامـي=ادلّـه القلـب لاتابـس معاليـقـه
من واحدٍ فالهوى له مخلبٍ دامـي=يرمي ضحاياه تغريبـه وتشريقـه
خذني وحنا بحكم وشرع الاسلامي=وشربت غيّه غلا وعجزت لافيقـه
وراعي الموده تلاعب فيه الاوهامي=يزرع بالحلام شيٍ صعب تحقيقـه
كم قلت له يا سحابٍ رايقٍ هامـي=عشبه تغايـر نواويـره زماليقـه
يا مصدر الهامي اللي صارت الامي=الشعر عوجٍ بدون اسمك طواريقـه
لو عشت فالبال عامٍ من بعد عامي=الوقت يا عجل تجميعـه وتفريقـه
يا خال ما بيـن عذالـي ولوامـي=واقفاية اللي يماري في عشا ريقـه
شف لي طريقه تراي عجزت لانامي=اردّع الدمع لين اعجـزت واريقـه
تكفى تسبب لعلـه يـارد الضامـي=ويوفـق الله تفتـح لـه مغاليقـه
[/poet]
.
كنت هنا ...
لانصاف الشعر الحقيقي ..
أرجو أن اكون وفقت في الكتابه عن شاعر أحبه وأحب قصائده ...
أبو نوت ..
كل ماقيل عنك أعلاه .. أقل منك بكثير ..
سامحني لعدم انصافك ..
.
تحيه لكل من مر من هنا