[كريم العفيدلي]

مابدي انقص عليك فرحتك ..
ألف مبروك عقد قرانك ..ومن أعماقي
واعذريني ...
فيني غصة ...وأخااااف:



.
.
.
أبوذي من أبوذي زاد يبنــا
وبيوتن سود فوق الراس تبنا
أحسبنك ذهب ثاريك تبــنا
خفيف وطيرك نسم ضحوية!!!!
.
.
.
.
شنهو انتي ..
شنهو قلبك...
شنهو دينك..
شنهو ربك..
بعد هالعشرة الطويلة
جيتي تنهين العلاقة؟!!!!
بعد هالقصة المريرة...
-ياأخي..
ماني أخوك ..انثبري عاد
ما حسبتي حساب روحي الغارقة بأبحر ظلامك
ماحسبتي حساب قلبي اللي كسرتيه وحلاااالك
وياحلااالك...
يامزاجيتك وبالك
بهالسهولة هانت العشرة عليك
بهالسهولة,والله وتنفضين ايديك
-شتريدني أسوي ..
ردت ادزلك رسالة أفهمك لكن رفضت
...
والله ...!!!
شبدك تدزين ليه
شبدك تصيغين ليه
-ظرفي صعب..
ماهو اصعب من ظروفي التجاوزتها
لاجل عينك...
ولاجل عينك...
اغفرت زلات كلش
والملامة تحملتها
وعن طولة لسانك اطنش
طيب خلق تجاوزتها
ومن فرط حبي وحنيني
أكاذيبك صدقتها...
كنت أحس ..
وكنت أعاني ..
وكان قلبك بارد
وكلش أناني ...
وتعرفيني ..
ماحدا تذاكى عليه
ماحدا تشاطر عليه
ماحداتلاعب عليه
بس..انتي رعنة
هوايا رعنة ...
وأنانية..
ومزاجية..
وكنتي ترميها عليه ..
(ياكريم انته مزاجي
ياكريم انته أناني
تفكيرك السطحي مخيف
ويختلف تفكيري عنه..)
آآآآآآآآآآآآها..
هسه تفكيري المشكلة
يخرب ديارك ...
موكنت آنا اغلى ناسك
موكنت تفكيري راقي
آآآآآآآآه ياعطر الوفا جاوينك انته
صرت اشمنك خيانة ..
آآآآآآه ياجرح الغدر بضلوعي ينزف
قطرة..قطرة من زمانه
-انتهينا
-احمدالله
-لك سلامي
-لك وداعي ...

.
.
.
اشربي نخب انتصارك
اعترفلك ..خذتي قلبي



دمشق
22/1/2011
الساعة6:33مساء