[فهد الأحمد]

الرسالة الأصلية كتبت بواسطة علي التركي

صبااااح الخيرات
يا ابو مقبل
وهلا وغلا بالجميع
تصبحنا بــهــ الجزله قلنا نشارك على عجل والعذر والسموحة من الجميع على القصور
ولو إن بعض علومك يا ابومقبل تخوّف هههههههههههههه



أنا وإن بغيت أفزع ترى منهي ومامور
ليامن دعاني صاحبي واجب أبـرز له

وطاري الدحيمي لا طرى لي لمحت النور
ولا ظـلّـمت دنيـاي قـلبي يفـززلـه

خووي فـهد قلـبه لـبيب ويعرف الدور
وإذا بـالنـداء يكفـيك بالـعين تغمزله

ومقدور وإن كانـك زهـمته يقوم يدور
يدوّر عـلى مخـرج قريـّب وينقزلـه

ويا طيب راس الأكلبي لـ ظهر المستور
علومه جـداد نظـاف ما يعرف الرزله

ومسكين من ينظر بـوحده تقل به عور
يعكس المعـاني والـرديه تـخززلـه

بغيت ابتدي معكم واشارك بهــ الميسور
خويـي طلبني قـلت اصبّح وأعـززله

كفو يا بوتركي
الفزعة .. الفزعة ..


خووي فـهد قلـبه لـبيب ويعرف الدور
وإذا بـالنـداء يكفـيك بالـعين تغمزله


معليك زود يالذيب ..
لو خويك أبو سعد محذرني منك .. يقول انتبه له تراه داهية .. لا تامنه أبد ..
هههههههههههه


خذ يا بو تركي