[عبدالرحمن الربيّع]

خالد الشايع

مساك الله بالخير يالغالي ..

حقيقة انا اسعد واحد بشعبيات لاني لقيت الحروف والانفاس اللي تشبهني لحد كبيييير ...

اسلوب جميل وتناغم موسيقي رائع ومثل ما قال محمد العمري كاني اقرا اغنية ...


وش ذكرك تلفي علي....
تمطر تعب..
مانيب ذاك الأوّلي...
ذاك الصعب..
الاولي مات وبقى..
من ريحته..
بعض العطر ..
من ريحتك..

وش رجعك..
وانتا بعد ساعه بتروح
من يسمعك..
يحسب معي الفين روح..
معك بتروح
ولوّك تعد... تقلى معي مابه أحد
واللي قبل كانت تصبَّر غيبتك واياي
ماكمّلت اول غياب..
العين لو تذرف.. هدب
والجرح لو ينزف..هوى
والنار ماتلقى حطب..
والشعر سامرك وغوى..

ارحل...
ارحل فمان الله...
قدامك الدنيا هَنا..
أما انا..
بأبقى أنا..
ذاك الحبيب..
اللي بعمره ماهتنى..
من رجعتك..
لين المغيب..

عندي طلب صغير اذا في داخلك انفاس مثل هذي لا تبخل بها علينا ...

صح قلبك واحاسيسك ياخالد وامتعتني من جد لا عدمتك ..

تحياتي .