|
سلامتك عيوني ..اشبيك؟؟؟
صراحة..
بالفترة الأخيرة افتقدتك
ياترى ..ماسر الغياب?!
/
/
/
دوريتك ياحبيبي
وروحي ملهوفة عليك
وثاري انته الجوى روحي
وروحي تسألني عليك!
عذبتهاااا..
والله كلش عذبتها
حرقتهاااا..
روحي كلش حرقتها
دوريتك..
بالمنافي..
بالقصايد..
بالجروح البيه تنزف
بالضباب..
ومالقيتك..
وينك انته!
موأنا منك وبيك
حالي مايصعب عليك
بيامدينة..
بيا جنون..
بياقلب شاعر خذاك
وماوصل منك نداك
سافرت!
إي والله ,وشقد سافرت
بدروب حزني شقد شفت
أصرخ بأسمك ..حبيبي
وياااحسافة..
طيفك يروج بعيوني
هذا انته..
الا انته..
ليتك انته..تلفتت!
آني غرقان بظلام
وهمستك حضورك ضياء
موبيديني..
موبيديني..
وشهقت!!
والله مدري شبيه آني
لافرح يرهم عليه
لاحزن يرهم عليه
وبيك أغص..
وكل ورك يوجعني بيك
وهسه جيت..
أحمد الله..
وأطلب الله..
لحظة لو يجمعني بيك
أرد..أقلك
وأعترفلك..
هالأنيق اللي عرفته
هالوسيم اللي عرفته
هالأديب..الشاعر..الإعلامي
هذااا..
كان مشلول ويكابر
شقد يكابر..
كنه شمعة
تحترق بالظلمة كلش
صح يذوووب..
بس عزيز وما اشتكالك
ما اشتكالك..
هذا أول ما اشتكالك
ش ارد..أقلك
واعترفلك..
هذا سره الكان خافي
عنك,وكان الغياب
وانته سرك..لوعنه
بيه(الحروف الثلاثة)
ومالقاله..
عاجز..وجالك عتاب.
|