(( بسم الله الذي لايضر مع اسمه شي :
وبعد
احبتي في منتدى شعبيات
اعود اليك بنص متواضع
واتمنى ان يرتقي الى مستوى ذائقتكم الرفيعه
يقول الشاعر :
[poet font="Tahoma,3,crimson,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
جزا الله الشدائد كل خيرٍ=عرفت بها عدوي من صديقي
[/poet]
أحبتي../..ادعكم مع النص )):
(( وجه الحطب ))
[poet font="Times New Roman,4,black,bold,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
0
0
0
0
0
0
ياصاحبي / مشكور مشكور لاهنت...=والله يجمل حال طعناتك السود
العام لامن غبت / صوت وين انت ؟!...=واليوم ماتشكل علي / وانت موجود
الحمد لله بــ..أول الوقت بينت...=(( وجه الحطب )) / بين ردى ريحة العود
غفلت عنك شوي / ولحظة تمكنت...=ثورت بين كتوف / صاحبك بارود
الله لو تدري بعد قبل وش كنت...=لو تدري بكثر الغلا / مت ملهود
كنت الظهر / والقاك لامن تيامنت...=وكنت المثل باالطيب والصدق والجود
انت اكثر انسانٍ على وحدتي منت...=وكنت اشتكي لك من قسى / " شيخة الخود "
وياما على عسر الليالي تعاونت...=معك وعطيتك كف / مفروش بورود
اقسم ورب البيت / كل ماتسننت...=ادعي واقول الله يعطيك ويزود
كنت اتمنى الخير لك وين مابنت...=وامشي معك / لو درب ممشاك مسدود
لااجلك على وجه الصعيبات مالنت...=وفتحت لك صدرٍ عن الغير مردود
لو شانت بوجهك / لياليك ماشنت...=اقف ولو وجه السماء برق ورعود
ياما تكلم فيك شامت وبرهنت...=انك ولد ذيب / ورجاجيل / وفهود
وقفت في وجه المعادين واعلنت...=انك بوجهي..وانك اليوم مسنود
على كثر ماآمنت بالله / آمنت...=انك يميني لاقسى الوقت وزنود
واليوم (افا) ياصاحبي / بعتني فـ..بنت...=وهديت صدرٍ / قبل ماجااااااك مهدود
على العموم ان رحت وان جيت تبقى انت...=اكبر دليل ان الوفا صار مفقود
ياصاحبي / مشكوووووور بالحيل / لاهنت...=والله يجمل وجه طعناتك السود
0
0
0
0
0
0
[/poet]
نزف /
عبدالله الدواس