[نواف الدبيخي]

اخوي غايب.. سلام

أثري مديون لك من زمان؟!.. ما لك حق تثقل علي الديون وانا ماادري..

يا خوي كلامك اسعدني وخلاني احس اني قصير قدام قامة ذوقك ولطفك.. والله لو اني ادري من اول اني مسبب لك هالتعب (والخساير) إني فلا اخليك، لأجيب لك قصايدي كلها إلى محلك..

انا عاجز يا اخوي عن الشكر، بس ودي اوضح شغلة بسيطة: أنا اساسا مقل في النشر إلى حد كبير.. وما اتواجد في أماكن كثير.. صحيح إن ما لي مكان محدد، لكن هذا كان بسبب رفضي القاطع لاسلوب بعض المطبوعات اللي تضغط على (شعرائها) بعدم النشر في أماكن أخرى.. هذا نسميه في الادارة والاعمال (إحتكار).. وأنا ما أقبل هذا على نفسي ولا على الشعر إجمالا.. فبنظري ان (الشعر طير وغصنه هوا)، ماله مكان ولا وقت..

أعرف ان هذا يسبب فعلا قلق للمتابعين اللي لهم حق كبير علي.. وأشعر بتأنيب ضمير بسببه.. على شان كذا قررت من حوالي سنتين أقصر نشري على مكانين أو ثلاثة بالكثير.. إضافة إلى اطلاق موقعي الشخصي على النت قريب انشالله ، وتسجيل ديوان صوتي..

غايب
أنا فخور بك .. واتمنى اني استاهلك.. شكرا