كان لي صديق عزيز علي ... وبعد مده الرجال توظف بمدينه بعيد عني
وكان رجال بمعنى الكلمه وصديق يفخر فيه الواحد فضيق صدري هالشي
وضيق صدره .. فارسل لي رساله تحتوي هالبيت .. وان كنت والله ما
اعرف مني قايله حتى احط اسمه ولكنه بيت مشهور ومتداول في
الرسايل ..المهم هذا هو البيت ..
نعم الرفيق وتاج من يفتخر فيك
نعم الخوي والطيب هو ساس مبداك ..
[/poet]
فحركني ما ارسل لي ورديت عليه ..
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
ياصاحبي قلبي تولع بطاريك
وشلون اباصبر يوم ذا الوقت عداك
عديت سكتنا ولنيب ناسيك
يابعد دربك عن عيون تمناك
ياصاحبي والله ماني مباريك
في طيّب افعالك وحالي سجاياك
ولنيب والله زاهدن يوم اخليك
تبعد مماشينا عن دروب ممشاك
لكن زمان البين لابد حاديك
تترك محبينك ولوطال ملفاك
ياصاحبي لاترتعب في مساريك
انا خويك لغشى العتم دنياك
اضوي لكم لو هي بعيده اراضيك
وارفعك من همك لو الهم غطاك
هذي سلومي يوم انا اليوم شاريك
لاحتجتني تلقى يميني بيمناك
ومدام طبعك ياخويي يجاريك
انا خويك دام عزي بعيناك
[/poet]
عزي بعيناك قصدت منها انه مدامني اشوف معزتي في عينيك فانا لا اتغير حتى تتغير .. فاتغير ..
اتمنى ان تحوز على اعجابكم واشكر كل من كلف نفسه بالقرأة ..
والشكر موصول لمن ردوا علي في موضوعي السابق ولم اتمكن من الرد
عليهم لانشغالي ببعض الامور الخارجه عن ارادتي .. فشكرا لهم ..