[القيصر]

الأخت العزيزه الجازي

عضو لايقبل بغير التميز

ولا يرضى بغير الإبداع

في الإختيار , في الطرح , في الإسلوب

لشعبيات الحق أن تفخر بكِ

مشاركه في هذا الموضوع

الذي يفرض الإحترام والإعجاب

للشاعر عبدالرحمن بن مساعد

[poet font="Simplified Arabic,4,crimson,normal,normal" bkcolor="transparent" bkimage="" border="inset,4,gray" type=0 line=200% align=center use=ex length=0 char="" num="0,black" filter=""]
أصدق ماكتبت

انتي..تدرين من انتي ؟

تدرين انك لي غديتي كل شي

وانك غديتي شمس ليلي وفي الهجير الفي

وانك اصدق ماكتبت

وانك احزاني وفرحي ..لاضحكت وانجرحت

وانك غديتي ياعذابي اغلى من حبي علي

قبل الحب يا ما كذبني القصيد

وبعد حبك صار يكتبني القصيد

هو يوصفك بسمة وطرف

وأنا اعشقك في كل حرف

منك شكالي..وصف حسنك اتعبه

وانا شكيتك ..وعشقي لحبك اعجبه

ومهما شكى ومهما وصف

انتي احلى ماكتبت..انتي اصدق ماكتبت

وانتي احساسي وجرحي..لاضحكت وانجرحت

وانك غديتي يا عذابي اغلى من حبي علي

تدرين من انتي !
[/poet]


[poet font="Simplified Arabic,4,crimson,normal,normal" bkcolor="transparent" bkimage="" border="inset,4,gray" type=0 line=200% align=center use=ex length=0 char="" num="0,black" filter=""]
سيد جروحي

سيد جروحي شمس عمري وظلي

البعد طول والخطأ منك واضح

اذا غرورك يمنعك تعتذرلي

تعال جنبي وابتسم لي واسامح

تدري احبك لكن الموت ذلي

ادوس انا قلبي لو الشوق جامح

الله عطاك الحظ واصبحت خلي

والله عطاني اياك طاغى ملامح

سألتني يا ياسميني وفلــــــي

ياكيف يشفى الورد..والشوك جارح

مثل العيون اللي لها كل كلي

زايد حلاها لكن الدمع مالح

وش تنتظر يكفي دلال وتغلي

الوقت ماهو للوصل دوم سانح

مادمت ترحالك ومادمت حلي

ان صرت انا خسران ماصرت رابح

لا تعطي الفرصة لعذالنا اللي

لكل ماهو يهدم الحب طامح

مالك صبر عني ومالي تسلي

والوقت خيل صوب الاجال رامح

سيد جروحي شمس عمري وظلي

الحب بعد وقرب ..مخطي وصافح

اذا غرورك يمنعك تعتذرلي

لاتعتذرلي قول اسمي واسامح
[/poet]

يسلم فكرك وروحك النقيه اختي الكريمه

وتقبلي أطيب التحايا من اخوك القيصر