|
حصاد العمر .. صوت ٍ بالضمير .. إن قلت نام ألحين !
سألنـي : وش ينوبـك مـن سهـرك ووش تحـبـه لــه ؟!
يجـادلـنـي وأخـــاف إن الـجــدال يـصـحــي المـمـسـيـن
عـلـيـه أدخـــل بـربــي لـيــن يـسـكــت وآتــوجــه لــــه
وأنــام وعـيـنـي أدرى بالسـنـيـن الـلــي تـزيــد سـنـيـن
مضـت عقديـن والثالـث رفـض .. يمـشـي عـلـى مهـلـه
أجــل ياشـعـر .. رجعـنـي مـراهـق مـاوصــل عـشـريـن
يـــدور بـالـحـواري عـــن دريــشــة نـاعـســة سـهـلــة
يـغـنـي لـلـشـوارع .. والـحـدايـق .. ولـبـيـوت الـطـيـن
ويــزفـــر لـلــغــرام الـــلـــي تـــعـــدا مـاتـنــبّــه لــــــه
كـتـب فــوق الـجـدار الحـيـن بـعـد الحـيـن بـعـد الحـيـن
ولا حـــس بكتـابـاتـه عـلــى الــجــدران غــيــر أهــلــه
أجـل ياشـعـر .. وأنــت الـلـي تـعـرف مراهقـاتـي زيــن
إذا قابـلـتـنـي لا تـحـسـبـنـي شــخـــص يـشــبــه لـــــه
أنـــا بـاقــي أنـــا .. رغـــم السـنـيـن ولـعـنـة التـمـديـن
مــزارع يحـصـد سنيـنـه تـعـب .. مــن سنـبـلـة وهـلــه
محمد على العمري ...
الف صح لسانك ...
قصيده تدعو للأعجاب والتعجب ..!
تشخيص المظاهر الصامته الى صور متحركه .. تمتزج ذات الشاعر معها.. فنستشعر وجودها من نبض عواطفه ... وغنى مشاعره من خلال مسحه جماليه فائقة الروعه ..
ابيات في صور زاخره بالصور الحسيه التجسيديه الفنيه .. ابدعتها ريشة شاعر ..!
كل التقدير لك .
|